ខេត្តបន្ទាយមានជ័យ ៖ ស្រុកថ្មពួកៈ ថ្ងៃទី២១ ខែកញ្ញា ឆ្នាំ២១៨ នៅវេលាម៉ោងនិិង១៥និង៣០នាទី កំលាំងជំនាញប្រឆាំងបទល្មើសគ្រឿងញៀន បានសហការជាមួយកម្លាំងប៉ុស្តិ៍ បន្ទាយឆ្មារ ចុះប្រតិបត្តិការ និងបានធ្វើការឃាត់ខ្លួន ជនសង្ស័យ ចំនួន០៣នាក់ ធ្វើតេស្តទឹកនោមសង្ស័យប្រើប្រាស់ថ្នាំញៀន នៅចំណុច ស្ពានអូតាទ្រី ភូមិដងរ៉ែក ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ជនសង្ស័យមានឈ្មោះដួចខាងក្រោមៈ
១-ឈ្មោះ សុខ ឆៃ ភេទប្រុស អាយុ៣៩ឆ្នាំ (ផលវិជ្ជមាន)។
២-ឈ្មោះ សូត្រ តឿ ភេទប្រុស អាយុ១៨ឆ្នាំ (ផលវិជ្ជមាន)។
៣-ឈ្មោះ ហ៊ាង សុភាក់ ភេទប្រុសអាយុ២៨ឆ្នាំ (ផលវិជ្ជមាន)។
ជនសង្ស័យទាំង០៣ នាក់ រស់នៅភូមិដងរ៉ែក ឃុំបន្ទាយឆ្មារ ស្រុកថ្មពួក បន្ទាប់ពីធ្វើការសាកសួររួច សមត្ថកិច្ចជំនសញបានធ្វើការបន្តដើម្បីចាប់ខ្លួនអ្នកចែកចាយគ្រឿងញៀន លុះដល់វេលាម៉ោង២០និង៣០នាទី កំលាំងសមត្ថកិច្ចនគរបាល បានពួនស្ទាក់ចាប់ ចំនុចភូមិបឹងតាស្រី ឃុំគោករមៀត ឃាត់ខ្លួនបានអ្នកចែកចាយចំនួន០១នាក់ ឈ្មោះ គៀត ប៊ុត ប្រុស អាយុ៣៧ឆ្នាំ និង ស្រីស្នេហ៍០២នាក់ ឈ្មោះ រ៉ាក់ ណាវី អាយុ២៩ឆ្នាំ និងបានដកហូតវត្ថុតាងរួមមានៈ
១-ថ្នាំញៀន(wy) ចំនួន១០គ្រាប់។
២-ម្សៅក្រាមសរថ្លាចំនួន០៥ថង់។
៣-ទូរស័ព្ទដៃចំនួន០១គ្រឿង យកមកកាន់អធិការដ្ឋាននគរបាលស្រុកថ្មពួក។
ករណីខាងលើនេះ បន្ទាប់ពីធ្វើការសាកសួរចម្លើយ ជនសង្ស័យបានសារភាព ដោយមានការអនុញ្ញាត្តិពីលោក មាស ចាន់ពិសិដ្ឋ ព្រះរាជអាជ្ញា ដំបូងខេត្តបន្ទាយមានជ័យ កម្លាំងជំនាញបាននាំជនសង្ស័យ ឈ្មោះ គៀត ប៊ុត ទៅកាន់លំនៅដ្ឋានដែលខ្លួនស្នាក់នៅភូមិសាមគ្គី ឃុំគោករមៀត វេលាម៉ោង២៣និង៣៨នាទី ដោយបង្កើតគណ:កម្មាការមានការចូលរួមពីកម្លាំងនគរបាលការពារព្រំដែន៨០៧ និងលោកមេភូមិ ធ្វើការឆែកឆេរលំនៅដ្ឋានរកឃើញវត្ថុតាងរួមមាន៖
១-ថ្នាំញៀន(wy)ចំនួន០៨គ្រាប់។
២-ម្សៅក្រាមសថ្លា ចំនួន០៣ថង់។
៣-ទូរស័ព្ទដៃចំនួន០២គ្រឿង។
៤-ដបជក់ថ្នាំញៀនចំនួន០១។
៥-និងធ្វើការឃាត់ខ្លួនមុខសញ្ញាប្រើប្រាស់ចំនួន០១នាក់ទៀត ឈ្មោះ ហ៊ីម ចាន់ ប្រុសអាយុ៤៦ឆ្នាំ រស់នៅភូមិសាមគ្គី ឃុំគោកករមៀត ស្រុកថ្មពួក។
លុះឈានចូលដល់ថ្ងៃទី២២ ខែកញ្ញា ឆ្នាំ២០១៨ វេលាម៉ោង០៨និង៤៣នាទីព្រឹក ក្រោយពីសាកសួររួច ផ្អែកតាមចំម្លើយសារភាពរបស់ជនសង្ស័យ កំលាំងជំនាញឈានបន្តឃាត់ខ្លួនមុខសញ្ញាចំនួន០១នាក់ ទៀត ឈ្មោះ ឃឿន ស្រីមិន ស្រីអាយុ៣៧ឆ្នាំ រស់នៅភូមិប្រាសាទត្បែង ឃុំបន្ទាយឆ្មារ ស្រុកថ្មពួក ដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញា យើងបានបង្កើតគណ:កម្មាការឆែកឆេរលំលំដ្ឋាន រកឃើញវត្ថុតាងដូចខាងក្រោមៈ
១-រកឃើញថ្នាំញៀនគ្រាប់(wy)ពណ៍ក្រហមស្រោបក្នុងថង់ផ្លាស់ស្ទិចពណ៍ខៀវ ចំនួន៦០០ គ្រាប់ និងស្រោបថង់ផ្លាស់ស្ទិចតូចពណ៍ខៀវ ចំនួន០៧គ្រាប់ ។
២-រកឃើញប្រភេទម្សៅក្រាមសរថ្លា ចំនួន០៦កញ្ចប់ ច្រកក្នុងថង់ពណ៍សថ្លា លាក់ក្នុងធៀងត្នោត។
៣-រកឃើញថ្នាំញៀនគ្រាប់(wy)ពណ៍ ស្រោបក្នុងថង់ផ្លាស់ស្ទិចពណ៍ខៀវចំនួន០១ថង់ ស្មើរនិង១១គ្រាប់ និងច្រកក្នុងបំពង់បឺតកន្លះថង់ចំនួន០២កំណាត់ ប្រភេទម្សៅក្រាមពណ៍សរថ្លា ច្រកក្នុងបំពង់បឺតចំនួន១២កំណាត់ ក្នុងផ្ទះបាយ របស់ជនសង្ស័យ។
៤-ប្រាក់បាតចំនួន៣០០០បាត
៥-ប្រាក់ខ្មែរ ចំនួន២៥០.០០០រៀល និងទូរស័ព្ទ១៩គ្រឿង ។
លោក សៅ សារឿន អធិការនគរបាលស្រុកថ្មពួក បានប្រាប់ សារព័ត៌មាន(គេហទំព័រប៉ោយប៉ែតប៉ុស្តិ៍) អោយដឹងថា៖ ការចុះបង្ក្រាបករណីអ្នកប្រើប្រាស់ និង អ្នកចែកចាយគ្រឿងញៀនខាងលើនេះ ត្រូវចំំណាយពេលអស់រយៈពេលពីថ្ងៃ ក្នុងការចុះបង្ក្រាប។ ជនសង្ស័យរួមនិងវត្ថុតាងខាងលើ កំលាំងងជំនាញបានកសាងសុំណុំរឿងបញ្ជូន ទៅកាន់ស្នងការដ្ឋាននគរបាលខេត្តបន្ទាយមានជ័យ ចាត់ការបន្តតាមនីតិវិធី៕
