ខេត្តព្រះវិហារ៖ វីវរធំហើយរឿងនេះកាន់តែផ្ទុះខ្លាំងឡើងៗករណីលោក បេន ដាវីសនិងបក្សពួកដែលប្រើអំពើហិង្សាមកលើជនរងគ្រោះ ឈ្មោះ កោះ សៀម រំលោភលេីលំនៅដ្ឋាន កាលពីថ្ងៃទី១២ ខែ តុលា ឆ្នាំ ២០២៤ ដោយគ្មានដីកាបង្កាប់ពីតុលាការ នៅពេលនេះប្រជាពលរដ្ឋចំនួន០៧ភូមិជាមួយនឹងអាជ្ញាធរមូលដ្ឋាននៅក្នុងឃុំរណសិរ្សស្រុកសង្គមថ្មី ខេត្តព្រះវិហារ បានប្រមូលគ្នាផ្តិតមេដៃដាក់ញត្តិសុំកិច្ចអន្តរាគមន៍ទៅដល់ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារនិងដាក់ពាក្យបណ្តឹងទៅតុលាកា ឲ្យជួយរកយុត្តិធម៍ដល់ជនរងគ្រោះជាច្រើននាក់ ពិសេសជនរងគ្រោះឈ្មោះកោះ សៀម នេះតែម្តងដូចនេះប្រជាពលរដ្ឋនិងមហាជនយើងកំពុងរង់ចាំមើលថាតើអភិបាលខេត្តមានចំណាត់ការយ៉ាងណា? ចំពោះករណីលោកបេន និងបក្សពួកដែលបានប្រើអំពើហិង្សាមកលើ ជនរងគ្រោះឈ្មោះ កោះ សៀម ។
ហេីយក្នុងខណ:ពេលនេះ ប្រជាពលរដ្ឋចំនួន១៥៩០នាក់ដែលរស់នៅទាំង០៧ភូមិនឹងសមាជិកក្រុមប្រឹក្សាឃុំទាំង០៧នាក់ ស្ថិតនៅក្នុង ឃុំរណសិរ្ស ស្រុកសង្គមថ្មី ខេត្តព្រះវិហារ បានរួបរួមគ្នាផ្ដិតមេដៃដាក់ញត្តិដើម្បីសុំកិច្ចអន្តរាគមន៍ទៅដល់ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារដើម្បីជួយរកយុត្តិធម៌និងដោះស្រាយជូនជនរងគ្រោះដែលត្រូវបានកងកម្លាំងនឹងមន្ត្រីសហគមន៍របស់លោក បេន ដាវីស ប្រើអំពើហិង្សាមកលើជនរងគ្រោះ ឈ្មោះ កោះ សៀមឲ្យរងរបួសយ៉ាងធ្ងន់ធ្ងរ។
ក្នុងនោះផងដែរក្រុមការងារសារព័ត៌មានយើងក៏ទទួលបាននៅសារសំលេងបែកធ្លាយរវាងថ្នាក់ដឹកនាំខាងលើក្នុងខេត្តព្រះវិហារ កំពុងរុញដាក់គ្នា ព្រៀបបីដូចជាកីឡាករប៉ាស់សេបាល់អញ្ជឹង ក្នុងនោះមានដូចជាសារសំឡេង លោក មាស ញឹម ដែលគេស្គាល់ថាជាមនុស្សជំនិតនឹងតែងតែចេញមុខជួយលោក បេន នៅពេលដែលមានបញ្ហាជាមួយនឹងប្រជាពលរដ្ឋនិងបទល្មើសផ្សេងៗ៘ ហើយមានតួនាទីជាអនុប្រធាន មន្ទីរបរិស្ថានខេត្តព្រះវិហារទៀតផង ពេលនេះលោកកំពុងសម្ដែងនូវការមិនពេញចិត្តនិងទង្វើលោក បេន ដែលប្រព្រឹត្ត ខុសជាច្រើនលើកច្រើនសារ ទៅលើប្រជាពលរដ្ឋដែលរកស៊ីដោះស្រាយជីវភាពជាលក្ខណ:គ្រួសារ ខុសឆ្គងបន្តិចបន្តួច ពិសេសនៅលើករណីរឿងប្រជាជនម្នាក់ឈ្មោះកោះ សៀម ក្នុងពេលថ្មីៗនេះ ។
នេះបើយោងតាមការស្ដាប់សារសំឡេងបែកធ្លាយរបស់ថ្នាក់ដឹកនាំកងរាជអាវុធខេត្តក៍ដូចជាថ្នាក់ដឹកនាំមន្ទីជំនាញបរិស្ថានក្នុងខេត្តព្រះវិហារហាក់បីដូចជាបង្ហាញថាលោកបេន ដាវីស ពិតជាមានសកម្មភាពឃោឃៅ បង្កររឿងរាវជាច្រើនជាមួយនិងប្រជាពលរដ្ឋ ហើយធ្វើឲ្យថ្នាក់ដឹកនាំខាងលើឈឺក្បាលខ្លាំងឡើងៗ – ក្នុងករណីរឿងហេតុការដែលលោកបេន និងបក្សពួកមន្ត្រីសហគមន៍ កងកម្លាំង បានប្រព្រឹត្តអំពើហឹង្សា រំលោភបំពានលើរូបរាងកាយនិងបំពានរំលោភសិទិ្ធលំនៅឋានឈ្មោះកោះ សៀម រួចមកនេះ ស្រាប់តែលេចមុខ បុគ្គលម្នាក់ឈ្មោះ តាំន់ គឹមសួរ តាមបណ្តាញសង្គមដែលមានអាខោនឈ្មោះ Tan kimsun បានធ្វើការវាយប្រហារមកលើអ្នកសារព័ត៌មានដោយចោទថាជាអ្នកសារព័ត៌មានមមិសមាន់ ផ្សាយមិនពិត ផ្សាយមិនត្រឹមត្រូវ គ្មានវិជ្ជាជីវៈនៃសារព័ត៌មានហើយរូបលោកបែរជារគៀងគរកជំនួយនឹងទិញម៉ូតូឲ្យជនបង្ករទៅវិញ។
តើលោក តាន់ គឹមសួរ នេះជានរណា? សារសំលេង នេះ ជាភស្តុតាងមួយដែលបញ្ជាក់អំពីកំហុសរបស់លោក បេន ជាមួយនឹងមន្ត្រីសហគមន៍ដោយមិនអាចប្រកែចបានឡើយ។
ហើយយើងខ្ញុំជាប្រជាពលរដ្ឋនិងជាអ្នកសារព័ត៌មានទាំងអស់គ្នាកំពុងតែរង់ចាំមើលថាតើអាជ្ញាធរខេត្តព្រះវិហារនឹងតុលាការអាចរកយុត្តិធម៌ជួនជនរងគ្រោះបានដែរឬទេ?។
រាល់ការចេញផ្សាយរបស់អង្គភាពសារព័ត៌មានយើងមិនមានគោលបំណងណាមួយធ្វើឲ្យប៉ះពាល់រាល់បណ្តាសាមីស្ថាប័នទាំងឡាយណានោះទេ គ្រាន់តែជាការចុះផ្សាយនូវព័ត៌មានពិត សុក្រិត្យ យុត្តិធម៌ និងតម្លាភាព ប្រកបដោយក្រមសីលធម៍ វិជ្ជាជីវ:តាមច្បាប់ស្តីពីរបបសារព័ត៌មានតែប៉ុណ្ណោះ។
យើងខ្ញុំនិងរង់ចាំការបកស្រាយបំភ្លឺពីសាម៉ីភាគីពាក់ព័ន្ធគ្រប់ពេលវេលារៀងរាល់ម៉ោងធ្វើការ សូមអរគុណ ៕
