សៀមរាប ៖នៅបញ្ជាការដ្ឋានកងរាជអាវុធហត្ថខេត្តសៀមរាប លោកឧត្តមសេនីយ៍ទោ នាង សុជីវី ស្នងការនៃស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស និងជាប្រធានក្រុមការងារទី២ តំណាងដ៏ខ្ពង់ខ្ពស់ឯកឧត្ដម នាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតី ក្នុងពិធីប្រជុំផ្សព្វផ្សាយការងារសោធននិវត្តន៍ ឆ្នាំ២០២៥ និងឆ្នាំ២០២៤ ដល់យោធិន នៃកងរាជអាវុធហត្ថខេត្តសៀមរាប។ នេះបើតាមមន្ត្រីកងរាជអាវុធហត្ថខេត្តសៀមរាបអោយដឹងកាលពីថ្ងៃទី១៩ខែតុលា ឆ្នាំ២០២៤ ។
កិច្ចប្រជុំនោះ ក៏មានការអញ្ជើញចូលរួមពី លោកវរសេនីយ៍ឯក ស៊ិន លី មេបញ្ជាការរង ទទួលការងារកសាងកម្លាំង តំណាងលោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប លោកមេបញ្ជាការរង នាយសេនាធិការរង ប្រធាន អនុប្រធានមន្ទីរ នាយ-នាយរងការិយាល័យ មេបញ្ជាការមូលដ្ឋានក្រុង-ស្រុក និងយោធិននៃកងរាជអាវុធហត្ថដល់អាយុចូលសោធននិវត្តន៍៕
