ខេត្តព្រះសីហនុ ៖ កាលពី វេលាម៉ោង ០០ និង ១៥ ឆ្លងចូល ថ្ងៃទី ២៦ ខែ សីហា ឆ្នាំ ២០១៨កម្លាំងជំនាញការិយាល័យនគរបាលប្រឆាំងគ្រឿងញៀន បានឆ្មក់ចូលក្លឹបកំសាន្តខារ៉ាអូខេស៊ីតុងហ្វាង ដែលមានទីតាំងនៅក្រុម២៧ ភូមិ៣ សង្កាត់៣ ក្រុង-ខេត្តព្រះសីហនុឃាត់បានជនសង្ស័យ សរុបទាំងអស់ចំនួន ៦២ នាក់ ស្រី ១៥ នាក់ ដែលក្នុងនោះរួមមានម្ចាស់អាជីវកម្មម្នាក់ មេការម្នាក់ អ្នកជួញដូរម្នាក់ និងភ្ញៀវមកកំសាន្តប្រើប្រាស់គ្រឿងញៀនចំនួន ៥៩ នាក់។
ក្រៅពីនេះសមត្តកិច្ច បានរឹបអូសបានវត្ថុតាងដូចខាងក្រោម វត្ថុតាងចាប់យករួមមាន៖
-ម្សៅក្រាមពណ៍សថា្លសង្ស័យជាសារធាតុញៀន ចំនួន ២២ កញ្ចប់តូច និង ០១ កញ្ចប់ ធំ។ -បន្ទះឈើ (ជ្រួញ) សម្រាប់ហិត ១៥ បន្ទះ។ -កេតតាមីន ប្រភេទទឹក (ketamine) ចំនួន ០១ ដប។
-ម្សៅក្រាមពណ៍សថ្លាសង្ស័យជាសារធាតុញៀន ចំនួន ០១ កំប៉ុងតូច។ -ម្សៅក្រាមពណ៍សថ្លាសង្ស័យជាសារធាតុញៀន ចំនួន ០១ កំប៉ុងធំ។
ករណីខាងលើនេះកម្លាំងជំនាញកំពុងសាកសួរ និង កសាងសំណុំរឿងបញ្ជូនទៅកាន់សាលាដំបូងខេត្តព្រះសីហនុ ដើម្បីចាត់ការតាមនិតិវីធតាមផ្លូវច្បាប់។
សូមបញ្ចាក់ដែរថា នេះជាករណិយ៍ទី២ហើយដែលសមត្តកិច្ចខេត្តព្រះសីហនុយើងបង្រា្កបក្លឹបដែលមានការប្រើប្រាស់គ្រឿងញៀន !៕
