នៅព្រឹកថ្ងៃអាទិត្យ ១៥កើត ខែ ស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៦ ខែសីហា ឆ្នាំ២០១៨ ប្រជាពលរដ្ឋនៅឃុំកោះសំរោង ស្រុកកំពង់សៀមបានមូលមតិប្រារព្ធពិធីអបរអរ សាទរជ័យជំនះដែលគណបក្សប្រជាជនទទួលបានក្នុង បរិវេណវត្តឥន្ទវិសាល ដោយបានការអញ្ជើញចូលរួមពីឯកឧត្តមវេង សាខុន ប្រធានក្រុមការងារថ្នាក់ជាតិចុះជួយស្រុកកំពង់ សៀម និងស្រុកតំបែរ សហការី អាជ្ញាធរមូលដ្ឋានគ្រប់លំដាប់ថ្នាក់ និងបងប្អូនប្រជាពលរដ្ឋសរុបចំនួនជាង ១០០០ នាក់យ៉ាងច្រើនកុះករ។ តាមលទ្ធផលរាប់សន្លឹកឆ្នោតឃុំទទួលបានសំឡេងគាំទ្រចំនួន ១៨៨០សំឡេងក្នុងចំណោម សន្លឹកឆ្នោតបានការស្មើ៨១%។
នាឱកាសនេះ ឯកឧត្តមបានជម្រាបជូនអង្គពិធីថា គជប បាន ប្រកាសលទ្ធផលនៃការរាប់សន្លឹកឆ្នោតបង្ហាញថាគណបក្ស ប្រជាជនកម្ពុជាទទួលបានជ័យជំនះមួយរយភាគរយស្មើ ១២៥ អាសនៈក្នុងសភា។
តាមរយៈលទ្ធផលនេះបានបង្ហាញ ឲ្យឃើញយ៉ាងច្បាស់ពីសុឆន្ទៈរបស់ពលរដ្ឋដែលចង់បានសុខសន្តិភាព សេរីភាព ស្ថិរភាព និងការអភិវឌ្ឍដោយមាន សម្តេចតេជោជានាយករដ្ឋមន្ត្រី។ លោកបានថ្លែងអំណរ គុណជូនចំពោះសមាជិក សមាជិកា និងតួអង្គពាក់ព័ន្ធទាំង អស់ដែលបានរួមចិត្ត រួមកាយ ខិតខំប្រឹងប្រែង រហូត សម្រេចទទួលបានជោគជ័យយ៉ាងត្រចះត្រចង់នាថ្ងៃនេះ។ឃុំកោះសំរោងត្រូវបានទទួលរងគ្រោះទឹកជំនន់យ៉ាងធ្ងន់ធ្ងរ ដែលបណ្តាលឲ្យប៉ះពាល់ដល់ផលដំណាំ ជីវិតសត្វពាហនៈ ពិសេសសកម្មភាពជីវិតប្រចាំថ្ងៃរបស់បងប្អូនរស់នៅលើ កោះទាំងមូល។ ឃើញច្បាស់ពីបញ្ហាដែលពលរដ្ឋបាននិងកំពុងជួបប្រទះ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី និងសម្តេចកិត្តិព្រឹត្តបណ្ឌិត តាមរយៈឯកឧត្តមរដ្ឋមន្ត្រីបានផ្តាំផ្ញើសាកសួរសុខទុក្ខ នឹករលឹក និងសូមជួយចែករំលែកនូវសេចក្តីទុក្ខលំបាករបស់ប្រជាពលរដ្ឋឃុំកោះ សំរោងទាំងអស់ដែលបានទទួលរងនូវគ្រោះទឹកជំនន់ ហើយ សម្តេចបានជូនពរនិងបន់ស្រន់ឲ្យពលរដ្ឋរងគ្រោះគ្រប់ៗគ្រួសារបានឆ្លងផុតនូវគ្រោះធម្មជាតិនេះឲ្យឆាប់នាពេលខាងមុខ។
ដើម្បីចូលរួមចំណែកថែរក្សា ការពារ និងអភិវឌ្ឍប្រទេស ជាតិ លោកបានណែនាំឲ្យគ្រប់មន្ត្រីជំនាញ និងអាជ្ញាធរ មានសមត្ថកិច្ចពាក់ព័ន្ធគ្រប់លំដាប់ថ្នាក់ត្រូវ៖
១-បង្កើនការយកចិត្តទុកដាក់អនុវត្តអនុសាសន៍ដ៏ខ្ពង់ខ្ពស់របស់សម្តេចតេជោហ៊ុន សែនឲ្យបានល្អប្រសើរ។
២-ត្រូវពង្រឹងប្រសិទ្ធភាពការផ្តល់សេវាសាធារណៈជូនប្រជា ពលរដ្ឋ ពិសេសបន្តអនុវត្តគោលនយោបាយ ក៣ ឲ្យមាន និរន្តរភាពនិងប្រសិទ្ធភាព។
៣-អគ្គនាយកដ្ឋានកសិកម្ម សហការជាមួយមន្ទីរកសិកម្ម រុក្ខាប្រមាញ់ និងនេសាទ និងអាជ្ញាធរមូលដ្ឋានត្រូវតាមដាន ពីស្ថានភាពទឹកជំនន់នេះ រួចត្រៀមលក្ខណគ្រប់បែបយ៉ាង ដើម្បីជួយប្រជាពលរដ្ឋក្រោយពេលទឹកស្រកឲ្យបានទាន់ ពេលវេលា និងមានប្រសិទ្ធភាពខ្ពស់ ។
ក្នុងឱកាសនេះ ឯកឧត្តមបានជួយដោះស្រាយសំណើជូនប្រជាពលរដ្ឋបានមួយចំនួនធំជាទឹកប្រាក់ និងសម្ភារសិក្សាមួយចំនួនទៀត ៕
