ខេត្តបន្ទាយមានជ័យ៖ទើបស្គាល់គ្នានៅការ៉ាសាំងហើយអោយខ្ចីម៉ូតូ១០នាទីយកទៅបាត់ប្តឹងសមត្តកិច្ចស្រាវជ្រាវចាប់ខេត្តបាត់ដំបងត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី១៦ ខែកញ្ញា ឆ្នាំ២០២៣។
លោកវរៈសេនីយ៍ត្រី នួន នីណារ៉ូ មេបញ្ជាកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យដែលត្រូវឃាត់ខ្លួនមានឈ្មោះ អ៊ី វិនទីន ហៅង៉ា ភេទប្រុស អាយុ១៧ឆ្នាំមានស្រុកកំណើតស្រុករតនមណ្ឌល ខេត្តបាត់ដំបង។
លោកបានបញ្ជាក់ថា៖ក្រោយទទួលពាក្យបណ្តឹងឈ្មោះ ថា សេងហុង ភេទប្រុសអាយុ២៣ឆ្នាំរស់នៅភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត បានប្តឹងជនសង្ស័យឈ្មោះ អ៊ី វិនទីន ដែលទើបស្គាល់គ្នាមួយម្ចាស់ម៉ូតូនៅការ៉ាសាំងផ្សារកណ្តាលហើយសុំខ្ចីម៉ូតូ១០នាទីហើយយកទៅបាត់កាលពីថ្ងៃទី១៤ ខែកញ្ញា ឆ្នាំ២០២៣ស្ថិតភូមិផ្សារកណ្តាល សង្កាតផ្សារកណ្តាល ក្រុងប៉ោយប៉ែត។
លោកវរៈសេនីយ៍ត្រី នួន នីណារ៉ូ បានបញ្ជាក់ថា៖ក្រោយទទួលពាក្យបណ្តឹងកម្លាំងជំនាញបានធ្វើការស្រាវជ្រាវជនសង្ស័យបានយកម៉ូតូជនរងគ្រោះគេចទៅស្រុកកំណើតលាក់ខ្លួនត្រូវបានសហការជាមួយកម្លាំងកងរាជអាវុធហត្ថស្រុករតនមណ្ឌល ខេត្តបាត់ដំបងកំណត់មុខសញ្ញាឃាត់ខ្លួនយកម៉ូតូបានវិញនៅថ្ងៃដដែលបាននាំយកសាកសួរកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីអនុវត្តន៍តាមច្បាប់៕
