កំពង់ស្ពឺ ៖ លោក គាវលាងគា អភិបាលនៃគណៈអភិបាលស្រុកថ្ពង ជាតំណាងដ៏ខ្ពង់ខ្ពស់ជំនួសអោយឯកឧត្តមអ្នកឧញ៉ា លី យ៉ុងផាត់ សមាជិកព្រឹត្តសភាជាតិ នៃព្រះរាជាណាចក្រកម្ពុជា និងមានការចូលរួមដោយលោកឡាយ កង ប្រធានក្រុមប្រឹក្សាស្រុក នៅព្រឹកថ្ងៃទី២៥ខែមិនាឆ្នាំ២០១៨នេះ បានអញ្ជើញសម្ពោធដាក់ឲ្យប្រើប្រាស់ជាផ្លូវការ នូវសមិទ្ធផលនានា នៅវត្តសុវណ្ណារាម ហៅវត្តត្រពាំងភ្នៅ សិត្ថនៅក្នុងភូមិស្នួល ឃុំអមលាំង ស្រុកថ្ពង ខេត្តកំពង់ស្ពឺ។
ក្នុងឱកាសនោះ លោក គាវ លាងគា អភិបាលស្រុកថ្ពង ក៏បានលើកឡើងថា អ្វីដែលបានដាក់សម្ពោធឲ្យប្រើប្រាស់នៅថ្ងៃនេះ គឺកើតចេញពីការស្នើសុំរបស់មេភូមិ មេឃុំនៃគណបក្សប្រជាជន ហើយការស្នើសុំនេះសបញ្ជាក់ថា ពួកគាត់យកចិត្តទុកដាក់ចំពោះប្រជាជន មិនយកលុយមកដាក់ហោប៉ាវខ្លួនឯងចាយនោះទេ។
ឆ្លៀតក្នុងឱកាសនោះដែរ លោកក៏បានបញ្ជាក់ដែរថា បើទោះបីគណបក្សប្រឆាំងត្រូវតុលាការរំលាយទៅហើយក្តី គណបក្សប្រជាជនចង់រស់នៅជាមួយបងប្អូន អតីតបក្សប្រឆាំង ដោយសោមមនស្សរីករាយ ប្រកបដោយការអភិវឌ្ឍន៍ និងដោយសុខសន្តិភាព ក្នុងន័យជាពលរដ្ឋកម្ពុជាតែមួយ។
លោករំលឹកឡើងថា នៅឆ្នាំ១៩៧៧រូបលោកក៏ដូចជាបងប្អូនប្រជាពលរដ្ឋ ទាំងអស់ដែលកំពុងឆ្លងកាត់ក្នុងរបបខ្មៅងងឹតសម្លាប់យ៉ាងរំគៀល លោកមិនភ្លេចបានទេគឺលោកបានទទួលទានហូបបបរ មួយចានទើបមានជីវិតមកទល់ពេលនេះ ដូច្នេះទើបលោកគោរពដឹងគុណចំពោះថ្ងៃរំដោះ៧មករា ឆ្នាំ១៩៧៩ ដោយមានគណៈបក្សប្រជាជនកម្ពុជា ជាពិសេសនោះគឺសម្តេចអគ្គមហាសេនាបតិតេជោ ហ៊ុន សែន ដែរខឹតខំអភិវឌ្ឍន៍ប្រទេសជាតិអោយរីកចំរេីនគ្រប់វិស័យ ។
លោក គាវ លាងគា ក៏បានបន្ថែមថា ការអភិវឌ្ឍន៍ និងសម្ពោធសមិទ្ធផលនានាថ្ងៃនេះ គឺបានមក ពីការដឹកនាំរបស់គណបក្សប្រជាជន បានមកពីការប្រឹងប្រែងរបស់រាជរដ្ឋាភិបាល ដែលដឹកនាំដោយគណបក្សប្រជាជន ហើយសមិទ្ធផលដ៏ច្រើនស្អេកស្កះ នេះគឺជាការខិតខំប្រឹងប្រែងដោយមិនខ្លាចនឿយហត់ របស់ក្រុមការងារគណបក្សប្រជាជន ជាពិសេសគឺសប្បុរសជនមានការជឿជាក់ លើកិច្ចការមនុស្សធម៌ដ៏ប្រសើរចំពោះប្រជាពលរដ្ឋស្រុកថ្ពងនេះតែម្តង។
សមិទ្ធផលដែលត្រូវសម្ពោធនាថ្ងៃនេះរួមមាន ផ្លូវលំពីក្លោងទ្វារវត្តដល់ផ្លូវជាតិចំនួន១ខ្សែ ផ្លូវលំចូលក្នុងភូមិចំនួន១ខ្សែស្មើ១១១០ម៉ែត្រមានទទឹង៥ម៉ែត្រ .និងសាលាធម្មសភា ចំនួន១ខ្នងដែរមានប្រវែង២៨ម៉ែត្រចុច៣០ទទឹង ១៩ម៉ែត្រ៣០ ចំណាយថវិកាអស់ជាង១២ដូល្លារអាមេរិក ។
នៅក្នុងឱកាសនេះដែរ លោក គាវ លាងគា អភិបាលស្រុកថ្ពង បានផ្តល់ជូនតាជីយាយជីចំនួន៤០នាក់ក្នុង១នាក់ៗទទួលបានក្រណាត់សមួយដុំ ថវិការចំនួន១០០០០រៀល និងសិស្សានុសិស្សចំនួន២០០នាក់ក្នុងម្នាក់ៗទទួលបានសៀវភៅ១ក្បាល ប៊ិច១ដើម ។
ជាក្រោយថ្នាក់ដឹកនាំទាំងអស់គ្រប់ជាន់ថ្នាក់នៅក្នុងស្រកថ្ពងនិងមានពុធបរិស័ទ្ចចូលរួមធរាប់បាទព្រះសង្ឃចំនួន១០៥អង្គ ដើម្បីធ្វើការឧទ្ទិសកុលសជូនដល់មាតាមិតាបុព្វការីជន ដែលបានបាត់បង់ជីវិតក្នុងបុពហេតុជាតិមាតុភូមិ ៕
