ខេត្តបន្ទាយមានជ័យ ៖ នៅព្រឹកថ្ងៃទី២៣ ខែមិនា ឆ្នាំ២០១៨ ម្សិលមិញនេះ អាជ្ញាធរកម្ពុជា-ថៃរួមគ្នាសម្អាតបរិស្ថាន អនាម័យក្រោមស្ពានមិត្តភាពកម្ពុជា-ថៃ ច្រកទ្វាអន្តរជាតិប៉ោយប៉ែត។ដោយខាងកម្ពុជាដឹនាំដោយលោកឪម ចាន់ថា អភិបាលរងខេត្តបន្ទាយមានជយ័តំណាងឯកឧត្តម សួន បវរ អភិបាលនៃគណៈអភិបានខេត្តបន្ទាយមានជយ័ លោកឧកញ៉ា សាន ស៊ានហូ អភិបាលនៃគណៈអភិបាលក្រុងប៉ោយប៉ែតនិងមានការអញ្ជើញរួមពីសំណាក់កងកម្លាំងប្រដាប់អាវុធជាច្រើនស្ថាបណ្ណ័ ព្រមទាំងលោកគ្រូ អ្នកគ្រូ សិស្សានុសិស្សជាច្រើនកុះករផងដែរ។
ដោយឡែក ភាគីថៃ ដឹកនាំដោយលោក ផនភុត ផេនផាត អភិបាលខេត្តស្រះកែវ ព្រមទាំងមានការចូលរួមពីមន្ត្រីរាជការ អាជ្ញាធរដែនដី កងកម្លាំងប្រដាប់អាវុធ លោកគ្រូអ្នកគ្រូនិងសិស្សានុសិស្សផងដែរ។សូមជំរាបដែរថា៖ការចុះ សម្អាតបរិស្ថាន អនាម័យនេះ ដោយខាងកម្ពុជាបានចាប់ផ្តើមរើសកាកសំណល់ចាប់ពីសាលាក្រុងឆ្ពោះទៅកាន់ច្រកទ្វាអន្តរជាតិប៉ោយប៉ែត បន្ទាប់មកក៏ចាប់ផ្តើមសម្អាតរួមជាមួយភាគីថៃតែម្តង។
ថ្លែងប្រាប់អ្នកសារព័ត៌មាន នៅក្នុងឪកាសនោះដែរលោកឧកញ៉ាសាន ស៊ានហូ បានលើកឡើងថា៖យើងរៀបចំពិធីនេះឡើងដោយមានការឯកភាពគ្នារវាងថ្នាក់ដឹកនាំខេត្តបន្ទាយមានជយ័ ប្រទេសកម្ពុជានឹងថ្នាក់ដឹកនាំខេត្តស្រះកែវ ប្រទេសថៃ ក្នុងកិច្ចប្រជុំកន្លងទៅនៅស្រុកអារញ្ញប្រទេសថៃ។
លោកអភិបាលក្រុងបន្តថា ៖ ដោយមើលឃើញថានៅក្រោមស្ពានមិត្តភាពមួយនេះ ពោពេញទៅដោយសំរាមនិងកាកសំណល់ផ្សេងៗ ដែលប្រជាពលរដ្ឋយើងក៏ដូចជាភ្ញៀវជាតិនិងអន្តរជាតិ ដែលធ្វើដំណើរឆ្លងកាត់ តែងតែបោះនូវកាកសំណល់ផ្សេងៗចូលទៅក្រោមស្ពានគួបផ្សំនិងស្លឹកឈើជ្រុះផងនោះទើប បង្កឲ្យមានភាពក្លិនស្អុយ បណ្តាលឲ្យប៉ះពាល់ទៅដល់ភ្ញៀវទេសចរណ៍ដែលធ្វើដំណើរទៅមក។សូមបញ្ជាក់ដែរថា៖នេះជាលើកទី១ហើយ ដែលថ្នាក់ដឹកនាំខេត្តជាប់ព្រំដែនទាំង២បាន រួមគ្នាធ្វើការសម្អាតបរិស្ថាន អនាមយ័នៅទីតាំងខាងលើនេះ៕
