ខេត្តក្រចេះ ៖ នៅព្រឹកថ្ងៃទី១៧ ខែមិនា ឆ្នាំ២០១៨ នេះ លោកឧកញ៉ា គង់ ក្រឹង និងលោកជំទាវម៉ាន សារ៉ស់ បាននាំយករថយន្តសារ៉ែន១គ្រឿងប្រគល់ជូនដល់កងរាជអាវុធហត្ថស្រុកស្នួល ខេត្តក្រចេះ ដើម្បីបំរើការងារសន្តិសុខជូនប្រជាពលរដ្ឋនៅស្រុកស្នួល ខេត្តក្រចេះ។
សូមជំរាបដែរថា លោកឧកញ៉ា គង់ ក្រឹង ដែលជាជនជាតិឥស្លាមត្រូវបានមនុស្សជាច្រើនចាត់ទុកថាជាឧកញ៉ាដែលលេចធ្លោក្នុងការងារមនុស្សធម៌ ក៏ដូចជាការជួយដល់ជនក្រីក្រខ្វះខាតគ្មានទីពឹងនៅភាគឦសាន។
លោកឧកញ៉ា គង់ ក្រឹង និងលោកជំទាវម៉ាន សារ៉ស់ ត្រូវបានប្រជាពលរដ្ឋក៏ដូចជាមជ្ឈដ្ឋានទូទៅចាត់ទុកថាមានភាពលេចធ្លោក្នុងកិច្ចការងារមនុស្សធម៌យ៉ាងសាមញ្ញ ហើយទទួលបានការគាំទ្រពីប្រជាពលរដ្ឋយ៉ាងច្រើន ពិសេសអ្នកដែលប្រើប្រាស់បណ្ដាញសង្គមហ្វេសប៊ុក Facebookជាដើម ដែលតែងតែកោតសរសើរមិនដាច់ពីមាត់នូវការងាររបស់លោកឧកញ៉ាគង់ គ្រឹង និងលោកជំទាវ។
មិនត្រឹមតែប៉ុណ្ណោះទេ លោកឧកញ៉ា គង់ ក្រឹង និងលោកជំទាវម៉ាន សារ៉ស់ ត្រូវបានគេមើលឃើញថាលោកបានចែករំលែកទាំងចំណេះដឹង ទាំងជំនាញ ដល់សង្គមវិញ ដោយចំណាយថវិកាផ្ទាល់ខ្លួនរាប់សែនដុល្លារឯណោះ។
លោកឧកញ៉ា គង់ ក្រឹង បានចាត់ទុកការធ្វើបុណ្យ ធ្វើទាន ការចែករំលែកដល់សង្គមជាសណ្តានចិត្តសប្បុរស់ធម៌ មាននៅក្នុងអារម្មណ៍បេះដូងរបស់ លោកឧកញ៉ានិងលោកជំទាវ ហើយលោកបានលើកឡើងថា«យើងធ្វើល្អ ជួបតែសំណាងល្អ»។លោកចំណាយថវិការរាប់ម៉ឺនដុល្លារធ្វើកិច្ចការងារនេះដោយទទួលបានការតបស្នងសងមកវិញនូវការគោរពស្រលាញ់ពីមជ្ឈដ្ឋានទូទៅ។
សូមបញ្ជាក់ដែលថា៖សកម្មភាពមនុស្សធម៌ស្ទើររាប់មិនអស់ដែលលោកឧកញ៉ានិងលោកជំទាវតែងជួយដល់ទុរគត់ជន ជនគ្មានផ្ទះសម្បែង កសាងព្រះវិហារនិងសាលារៀនជាដើម។ល។
លោកឧកញ៉ាគង់ក្រឹងជាសប្បុរសជន ជនជាតិខ្មែរឥស្លាមឈានមុខមួយរូបដែលតែងតែជួយឧបត្ថម្ភដល់អ្នកសារព័ត៌មានក្នុងស្រុក ជាច្រើនអង្គភាពផងដែរ។
គួរបញ្ជាក់ដែរថា៖លោកឧកញ៉ា គង់ ក្រឹង និងលោកជំទាវ ម៉ាន យ៉ារស់ ត្រូវបានមជ្ឈដ្ឋានទូទៅក៏ដូចជាប្រជាពលរដ្ឋដែលរស់នៅក្នុងខេត្តក្រចេះទទួលស្គាល់ថាជាអ្នកមានចិត្តបុណ្យ ចូលចិត្តដើរធ្វើបុណ្យដាក់ទានចំពោះអ្នកក្រីក្រ ជួបការលំបាក ខ្វះខាតនិងជួយដល់សង្គមចូលរួមចំណែកជាមួយរាជរដ្ឋាភិបាលកម្ពុជាក្នុងកិច្ចការជាច្រើនទៀតជូនចំពោះជាតិមាតុភូមិយើងផងដែរ ៕
ដោយ:ឡេង ធីជាតិ
