ខេត្តប៉ៃលិន ៖ មានសេចក្តីរាយការណ៍ឱ្យដឹងថា កាលពីវេលាម៉ោង២៣ និង៣០នាទីអាធ្រា ត្រ យប់ថ្ងៃទី១៥ ខែមីនា ឆ្នាំ២០១៨ កម្លាំងសមត្ថកិច្ចកងរាជអាវុធហត្ថខេត្ត រួមជាមួយរដ្ឋបាលព្រៃ ឈើ បានធ្វើការបង្ក្រាបករណីឈ្មួញរកស៊ីឈើ និងស្តុកឈើប្រណិតខុសច្បាប់ ដ៏ធំមួយកន្លែងស្ថិតនៅក្នុងភូមិទឹកចេញ ឃុំស្ទឹងកាច់ ស្រុកសាលាក្រៅ ដោយរឹបអូសបានឈើធ្នង់ និងឈើគ្រញូងប្រ ហែល៥តោន ។ ប៉ុន្តែ ក្រោយមករហូតដល់ព្រឹកថ្ងៃទី១៦ ខែមីនា ស្រាប់តែឃើញប្រគល់ឈើឱ្យទៅខាងរដ្ឋបាលព្រៃឈើខេត្តប៉ៃលិន តែជាង១ម៉ែត្រគូបប៉ុណ្ណោះ បាត់ឈើអស់រលីង ។
ប្រភពព័ត៌មានមួយ ដែលសុំមិនបញ្ចេញឈ្មោះ បានឱ្យភ្នាក់ងារព័ត៌មានដឹងថា មុនឈានដល់ការចុះបង្ក្រាបនេះ មានគេស៊ើបដឹងថា ក្រុមឈ្មួញបានរកស៊ីដឹកឈើចេញពីក្នុងទឹកដីថៃ ឆ្លងកា ត់ ចូលទៅក្នុងខេត្តប៉ៃលិន បម្រុងនឹងលោតឆ័ត្រឆ្ពោះទៅខេត្តបាត់ដំបង ។ ពេលនោះមានភ្នាក់ងារ សំងាត់ បានរាយការណ៍ដល់លោកព្រះរាជអាជ្ញាអមសាលាដំបូងខេត្តប៉ៃលិន ក៏បញ្ជាឱ្យកម្លាំងកងរាជអាវុធហត្ថខេត្តដឹកនាំមន្ត្រីប្រហែល២០នាក់ ចុះទៅឆ្មក់ចាប់ឈើប្រណីតនោះទាំងយប់ ។ ប្រភពបន្តទៀតថា ក្រោយពេលបង្ក្រាបរួចមក កម្លាំងសមត្ថកិច្ចបានពិនិត្យឃើញមានឈើធ្នង់ និងឈើគ្រ ញូងជាច្រើនដុំ ហើយត្រូវបានគេលើកដាក់រថយន្តដ៏ធំមួយគ្រឿង ដឹកយកទៅក្រុងប៉ៃលិន ដើម្បីធ្វើការប្រគល់ជូនទៅខាងរដ្ឋបាលព្រៃឈើខេត្ត ។ ប៉ុន្តែរហូតដល់ព្រឹកឡើង ស្រាប់តែគេសង្កេតឃើញនៅសល់ឈើធ្នង់តែជាង១ម៉ែត្រគូបប៉ុណ្ណោះ រីឯឈើគ្រញូង និងឈើធ្នង់១ចំនួនបាត់អស់ ដោយសង្ស័យគេលក់ចែកលុយគ្នាចាយទេដឹង ។
ពាក់ព័ន្ធទៅនឹងបញ្ហានេះ ភ្នាក់ងារយើងបានទូរស័ព្ទ ទៅលោក ស៊ិន តាំ នាយការិយាល័យ ព្រហ្មទណ្ឌ នៃបញ្ជាការដ្ឋានកងរាជងអាវុធហត្ថខេត្តបានឱ្យដឹងថា ខាងលោកបានដឹកនាំកម្លាំងមន្ត្រី កងរាជអាវុធហត្ថខេត្ត ចុះបង្ក្រាបនឹងរឹបអូសបានឈើប្រណិតដូចខាងលើមែន ប៉ុន្តែមិនដឹងបានប៉ុន្មា នដុំនោះទេ ហើយបើចង់ដឹងច្បាស់ឱ្យទាក់ទងទៅខាងលរដ្ឋបាលព្រៃឈើ ។
ចំណែកលោក មិន រ៉ាវុធ នាយផ្នែករដ្ឋបាលព្រៃឈើប៉ៃលិន បានឱ្យដឹងថា ខាងលោកបានដឹ កនាំកម្លាំង សហការជាមួយនឹងប៉េអឹមខេត្ត ចុះបង្ក្រាបចាប់បានឈើប្រណិតចំនួន៣១ដុំ ស្មើនឹងជាង១ម៉ែត្រគូបមែន ។
លោកបន្តទៀតថា ការចុះចាប់នេះ ដោយស្ថិតនៅក្រោមបញ្ជារបស់លោក តូច សុភក្តី ព្រះរាជអាជ្ញាអមសាលាដំបូងខេត្ត ដោយបន្ទាប់ពីទទួលបានដំណឹង កម្លាំងសមត្ថកិច្ចបានចុះទៅព័ទ្ធកន្លែងស្តុកឈើទាំងនោះ តាំងពីក្បាលព្រលប់ម្លេះ នៅត្រង់ចំណុចដីព្រៃមួយកន្លែង ដែលក្រុមឈ្មួញបានយកឈើជាច្រើនដុំទៅប្លុងចោលបម្រុងនឹងនាំចេញទៅកន្លែងផ្សេងទៀត ។ លោកប ញ្ជាក់ថា បើមានលេច ឮថា ចាប់បានឈើច្រើននោះមិនប្រាកដនោះទេ ដោយពេលចុះបង្ក្រាប ស មត្ថកិច្ច យករថយន្តធំទៅដឹក ហើយឈើទាំងនោះ គឺជាកំណាត់តូចៗ ហាក់ដូចជាច្រើន ទើបគេសន្មត់ថាច្រើនតោន តាមពិតតិចតួចប៉ុណ្ណោះ ៕ ដោយ ៖ នីយ៉ា
