ភ្នំពេញ ៖ នៅរសៀលថ្ងៃសុក្រ ៩រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី ០២ ខែកុម្ភៈ ឆ្នាំ២០១៨ នៅក្នុងកិច្ចប្រជុំគណៈកម្មការរៀបចំគម្រោងឆ្នាំ២០១៨ ក្រោមអធិបតីភាព លោក សុខ ពេញវុធ អភិបាលនៃគណៈអភិ បាលខណ្ឌដូនពេញ ។
កិច្ចប្រជុំមានការចូលរួមដោយលោកស្រីអភិបាលរងខណ្ឌ នាយករដ្ឋបាល លោក-លោកស្រី ចៅសង្កាត់ទាំង ១១ ប្រធានការិយាល័យចំណុះ និងជំនាញពាក់ព័ន្ធជុំវិញខណ្ឌ ដើម្បីពិនិត្យលើគម្រោងអភិវឌ្ឍខណ្ឌសម្រាប់ឆ្នាំ២០១៨ ពិសេសគម្រោងដែលត្រូវអនុវត្តដោយរដ្ឋបាលខណ្ឌផ្ទាល់ ។
ជាមួយគ្នានោះដែរ លោក សុខ ពេញវុធ អភិបាលបានមានប្រសាសន៍ជម្រាបជូនអង្គប្រជុំថា ដោយទទួលបានគោល ការណ៍ក៏ដូចជា ចង្អុលបង្ហាញពីសាលារាជធានីភ្នំពេញ សម្រាប់ឆ្នាំ២០១៨ រដ្ឋបាលខណ្ឌត្រូវចាត់ អាទិភាពខ្ពស់ទៅលើគម្រោង អភិវឌ្ឍ ពិសេសការងារស្តារប្រព័ន្ធលូចាស់ ដើម្បីធានាការដោះស្រាយការលិចលង់ប្រកបដោយប្រសិទ្ធភាពខ្ពស់នៅក្នុងរដូវ វស្សាខាងមុខនេះ ។
ជាការឆ្លើយូតប គឺរដ្ឋបាលខណ្ឌបានលើកគម្រោងស្តារប្រព័ន្ធលូចាស់សម្រាប់អនុវត្តនៅដើមឆ្នាំ២០១៨ នេះ មានចំនួន ៤៣ខ្សែ សរុបប្រវែង ២៧,២៥១គីឡូម៉ែត្រ និងគម្រោងស្តារលូជាង ៣០ខ្សែទៀត ត្រៀមសម្រាប់អនុវត្តបទទៀតផងដែរ ។
លោកអភិបាលបានស្នើឱ្យសង្កាត់ទាំង ១១ ត្រូវចុះពិនិត្យការងារស្តារលូនេះ ដើម្បីជួយធានាឱ្យការងារនេះ កាន់តែមាន ប្រសិទ្ធភាពអាចដោះស្រាយបានយ៉ាងពិតប្រាកដ នៅតាមបណ្តាមូលដ្ឋានរបស់ខ្លួន ៕
