បន្ទាយមានជ័យ ៖ ថ្មីៗនេះ លេចលឺថា បានទៅអុកឡុកតាមឃ្លាំងទំនិញធ្វើឲ្យឈ្មួញតូចធំ ដែលនាំទំនិញចូលតាមច្រកទ្វារអន្តរជាតិប៉ោយប៉ែតបានអោយដឹងថាលោក ពុធ សុខា និង លោក ប្រាក់សំអាត គឺជាគយ ចល័ត របស់ ក្រសួង ប្រចាំការ នៅ ខេត្ត បន្ទាយមានជ័យ កំពុងល្បីខ្លាំង ក្រោយពីក្រុម អ្នកដឹកទំនិញតាមរថយន្តតាក់ស៊ីពីប៉ោយប៉ែត មកកាន់ខេត្តបន្ទាយមានជ័យ ដែលបានចោទប្រកាន់ថា បានទារប្រាក់ដាក់ខែក្រៅផ្លូវការច្រើនលើសលុបហើយនោះ មានការធុញទ្រាន់ និងបានបែមុខព្រួញទៅចេញទំនិញនៅច្រកផ្សេង ធ្វើឲ្យបាត់បង់ចំណូលពន្ធចូលរដ្ឋនៅច្រកទ្វារអន្តរជាតិប៉ោយប៉ែតយ៉ាងច្រើនសន្ធឹកសន្ធាប់ ។
ប្រភពពីក្រុមអ្នកដឹកទំនិញតាមរថយន្តតាក់ស៊ី ពីប៉ោយប៉ែតមកកាន់ខេត្តបន្ទាយមានជ័យ បានត្អូញត្អែរប្រាប់សារព័ត៌មានថា មកដល់ពេលនេះពួកគេស្ទើរតែដាច់បាយទៅហើយដោយសារតែ ក្រុមឈ្មួញដែលនាំទំនិញចូលពីប្រទេសថៃតាមច្រកទ្វារអន្តរ ជាតិប៉ោយប៉ែត បានបែរមុខព្រួញទៅចេញទំនិញនៅច្រកទ្វារអន្តរជាតិដូង ខេត្តបាត់ដំបង និង ច្រកទ្វារ អន្តរជាតិ ព្រំ នាខេត្តប៉ៃលិនវិញ។ ព្រោះតែក្រុមឈ្មួញទាំងនោះ មានការ ធុញទ្រាន់ ទៅនិងទង្វើរបស់សមត្ថកិច្ចគយចល័ត របស់ក្រសួងដែលបានទៅក្រឡុកតាមឃ្លាំងនានាក្នុងប៉ោយប៉ែត ដើម្បីជំរិតទារប្រាក់ដាក់ខែ តាមឃ្លាំងទំនិញដែលជាអំពើពុករលួយ។
ប្រភពបន្តអោយដឹងទៀតថា ក្រោយពីឈ្មួញទាំងតូចទាំងធំ បានឈប់ចេញទំនិញ តាមច្រកទ្វារប៉ោយប៉ែត បានធ្វើអោយពួកគាត់ជាអ្នកស៊ីឈ្នួលដឹកទំនិញដាច់បាយព្រោះគ្មានឥវ៉ាន់ដឹក។ប្រភពបន្តអោយដឹងទៀតថា ពួកគាត់មានក្តីកង្វល់យ៉ាងខ្លាំងព្រោះទើបតែបង់លុយកាក់ក្រៅផ្លូវការអោយទៅលោកពុធសុខាមួយខែ៦០ម៉ឺនរៀលមិនទាន់បានស្រង់ដើមផងស្រាប់តែអត់ទំនិញដឹកបែបនេះប្រពន្ធកូនច្បាស់ជាស៊ីសៀងមិនខានឡើយ ។ទោះជាយ៉ាងណា មជ្ឈដ្ឋាននានា បានលើកឡើងថា លោក បណ្ឌិត គុណ ញឹម អគ្គនាយកដ្ឋានគយនិងរដ្ឋាករគួរតែត្រួតពិនិត្យលើបញ្ហានេះផង ព្រោះមានការត្អូញត្អែរថាគ្រាន់តែដី៤៨គីឡូម៉ែត្រសោះសរុបទាំងគយច្រកទ្វារនិងគយខេត្តគយក្រសួងផងមិនតិចជាង៤កន្លែងនោះទេដែលធ្វើអោយមានភាពរញ៉េររញ៉ៃមែនទែនដោយដណ្តើមគ្នាប្រព្រឹត្តអំពើរពុករលួយ។
ទោះជាយ៉ាងណា ប្រភពស្និទជាមួយការិយាល័យគយ និងរដ្ឋាករ ក្រុងប៉ោយប៉ែត បានលួចខ្សឹប ប្រាប់ថា តាំងពីលោក ពុធ សុខា បានឡើងកាន់តំណែងជា មេគយក្រសួងប្រចាំផ្លូវលេខ៥មកលោកបានអោយកូនចៅទារប្រាក់ក្រៅផ្លូវការ ពីក្រុមអ្នកដឹកទំនិញតាមទំនើងចិត្តរហូតធ្វើឲ្យ អ្នកដឹកទំនិញរត់មិនរួចក៏បានបាតុកម្ម តវ៉ាផ្អើលមួយសារហើយៗពេលនេះមកក្រឡុកតាមឃ្លាំងធ្វើ អោយឈ្មួញតូចធំធុញទ្រាន់ក៏បានងាកទៅរកចេញទំនិញនៅកន្លែងផ្សេងអស់ធ្វើអោយគយនិងរដ្ឋាករ ក្រុងប៉ោយប៉ែតប្រមូលពន្ធចូលរដ្ឋមិនគ្រប់ផែនការដែលបាត់បង់ពន្ធយ៉ាងច្រើនសន្ធឹកសន្ធាប់។
ជាចុងក្រោយពួកគាត់សំណូមពរអោយអង្គភាពប្រឆាំងអំពើរពុកបើកការស៊ើបអង្កេតលើបញ្ហានេះផងព្រោះតែ កន្លងមកគយក្រសួងបានឡើងចាងប្រព្រឹត្តអំពើរពុករលួយគ្មានញញ៉ើតច្បាប់ឡើយ។
សារព័តមានយើងនឹងសុំការបំភ្លឺពីលោក ពុធ សុខា និង លោក ប្រាក់សំអាត គយចល័តរបស់ ក្រសួង ប្រចាំការនៅខេត្តបន្ទាយមានជ័យបាននោះទេ?៕
