ខេត្តបន្ទាយមានជ័យ ៖ ស្លាកយីហោប៉ាណូតូចធំលើផ្លូវជាតិលេខ៥ ត្រូវបានលោកអភិបាលក្រុងប៉ោយប៉ែតបញ្ជាឲ្យរុះរើចេញដើម្បីកែលំអរសោភ័ណភាពថ្មីក្នុងទីក្រុងមួយនេះបន្តទៀត ។ សូមជំរាបដែរថា៖ការដែលលោកសាន ស៊ាន ហូ អភិបាលនៃគណៈអភិបាលក្រុងដាក់បទបញ្ជាឲ្យរុះរើស្លាកយីហោប៉ាណូតូចធំនៅលើផ្លូវជាតិលេខ៥នេះបានធ្វើឡើងនាព្រឹកថ្ងៃទី២៥ខែមករាឆ្នាំ២០១៨នេះ នៅក្នុងអង្គប្រជុំជាមួយមន្ត្រីរាជការនិងក្រុមអាជីវករជាច្រើននាក់ទៀតក្នុងគោលបំណងផ្សព្វផ្សាយដល់ក្រុមអាជីវករទាំងអស់ដែលមានដីល្វែងពុះលក់បែបអានាធិបតេយ្យបង្កឲ្យប៉ះពាល់ដល់ផ្លូវសាធារណៈទៀតផង ។
គួររំលឹកដែរថា ៖ នៅក្នុងក្រុងប៉ោយប៉ែតគេបានសង្កេតឃើញមានប៉ាណូច្រើនដែលគេស្គាល់ច្បាស់ថាជាកម្មសិទ្ធិរបស់ក្រុមហ៊ុនដែលបិតយីហោធ្វើអាជីវកម្មកាត់ទទឹងលើផ្លូវជាតិលេខ ៥ក្នុងក្រុងប៉ោយប៉ែតកន្លងទៅ ហើយក៏មានក្រុមហ៊ុនខ្លះត្រូវបានគេសម្គាល់ឃើញថាពុំមានបិទស្លាកយីហោរបស់ខ្លួននោះទេ គឺមានតែប៉ាណូទទេតែប៉ុណ្ណោះ ។
លោ កសាន ស៊ានហូ បានបញ្ជាក់យ៉ាងច្បាស់ថា ៖ ចាប់ពីពេលនេះតទៅ ម្ចាស់ក្រុមហ៊ុនទាំងអស់ សូមមេត្តារុះរើប៉ាណូរបស់ខ្លួនចេញជាបន្ទាន់ ដើម្បីទុកពេលឲ្យអាជ្ញាធររៀបចំដាក់ភ្លើងស្ទុប សួនច្បារ និងភ្លើងបំភ្លឺបន្ថែមទៀតតាមបណ្ដោយផ្លូវជាតិលេខ៥ ។ លោកបានបន្តទៀតថា ៖ បើសិនជាក្រុមហ៊ុនណាមួយយឺតយ៉ាវក្នុងការរុះរើប៉ាណូខាងលើនោះ លោកនឹងប្រើកម្លាំងចម្រុះរបស់ក្រុងទៅរស់នៅចេញពីការខូចខាតពីអាជ្ញាធរមិនទទួលខុសត្រូវឡើយ៕
