កណ្តាល ៖ កម្លាំងសមត្ថកិច្ចចម្រុះប្រមាណ២០០នាក់ ដឹកនាំដោយលោក អា៑វ ចំរើន ស្នងការនគរបាលខេត្ត កណ្តាលក្រោមបញ្ជាផ្ទាល់ពីលោក ម៉ៅ ភិរណ អភិបាលខេត្តកណ្តាល ដោយមានការសំរបសំរួលនីតិវិធី ពីលោកព្រះរាជអាជ្ញាអមសាលាដំបូងខេត្ត នៅរសៀលថ្ងៃទី០៤ ខែធ្នូ ២០១៧ បានចុះទៅបង្ក្រាបសង្វៀនជល់មាន់ដ៏ធំ និងបើកលេងដុះស្លែយូរឆ្នាំមក ហើយនៅលើទឹកដីឃុំអរិយក្សត្រ ស្រុកល្វាឯម ខេត្តកណ្ដាល ដែលអាជ្ញាធរមូលដ្ឋានមិនហា៑ន បង្ក្រាបឡើយ ដោយដឹងថា ជារបស់ម៉ាប់អូស្ត្រាលីកូនប្រសារលោកហ៊ុនសានត្រូវជាបងប្រុសបង្កើតនាយករដ្ធមន្ត្រីកម្ពុជានោះដែរ។
ប្រហែលជាខ្លាចអំណាចក្មួយប្រសារនាយករដ្ធមន្ត្រីនេះហើយ បានជាអាជ្ញាធរដែនដីខ្លះរួញ មិនហ៊ានងើបមុខទៅអើតមើលឬក្បែរផងមិនដឹង?
ទំនងជាមានបើកភ្លើងខៀវពីឪពុកមាជានាយករដ្ធមន្ត្រីឬក៏អាចមានការរិះគន់ពីសំណាក់មហាជនដ៏ច្រើនពីការបើកល្បែងស៊ីសងខុសច្បាប់មាន់ជល់ ទើបសមត្ថកិច្ចហ៊ានចូលទៅបង្ក្រាបទីតាំងនេះ ដោយឃាត់មនុស្សចំនួនជាង១៥០នាក់ ដែលកំពុងចូលលេងល្បែងមួយនេះ ត្រូវបានឃាត់ខ្លួននិងព្រមទាំងដកហូតរថយន្ដជាង៥០គ្រឿង និងម៉ូតូជិត២០០គ្រឿងផងដែរ ។
ចំពោះការដែលសមត្ថកិច្ចអាជ្ញាធរដែនដី២ខេត្តគឹខេត្តតាកែវនិងខេត្តកណ្តាលបើកការវាយបង្ក្រាបទីតាំងល្បែងស៊ីសងខុសច្បាប់ដែលមានខ្នងក្រាស់ឃ្មឹកផ្ទួនៗគ្នានេះ ធ្វើឱ្យកក្រើកបណ្តាញសង្គមហ្វេសប៊ុក ហើយមានការគាំទ្រពីបងប្អូនប្រជាពលរដ្ធយ៉ាងខ្លាំងចំពោះចំណាត់ការរបស់អាជ្ញាធរពិសេសលោកអា៑វ ចំរើន ស្នងការនគរបាលខេត្តកណ្តាល ។ តែវិធានការកាន់តែក្តៅ ហើយក៏កាន់តែមានប្រសិទ្ធភាពខ្លាំង ថែមទៀតនោះ គឺប្រសាសន៍ព្រមាន និងបញ្ជាផ្ទាល់ពីសម្តេចតេជោ ហ៊ុន សែន ប្រមុខរាជរដ្ឋាភិបាលឱ្យ តាមចាប់ឈ្មោះម៉ាប់អូស្ត្រាលី អោយខាងតែបាន ទោះក្នុងចំណាត់ការបែបណាក៏ដោយដើម្បីយកមក ផ្តន្ទាទោសតាមច្បាប់ ព្រោះបុគ្គលឈ្មោះ ម៉ាប់ នេះថ្លើមធំហា៑នយកឈ្មោះក្រុមគ្រួសារត្រកូល ហ៊ុន ទៅកាង បើកសង្វៀនជល់មាន់ខុសច្បាប់យ៉ាងគឃ្លើនធ្វើអោយប៉ះពាល់កិត្តិយសយ៉ាងខ្លាំង ៕
