ខេត្តស្ទឹងត្រែង ៖ គ្រឿងញៀនតម្លៃខ្ទុងសែនដុល្លារត្រូវបានបង្ក្រាបនិងរឹបអូសពីបុរសជនជាតិឡាវម្នាក់គ្រាព្យាយាមឆ្លងដែនចូលដែនដីកម្ពុជាធ្វើការជួញដូរជនកាលពីរសៀលថ្ងៃទី១ ខែធ្នូ ឆ្នាំ២០១៧ ត្រង់ចំណុចកោះឬស្សី ស្ថិតក្នុងឃុំសន្តិភាព ស្រុកសៀមប៉ាង ខេត្តស្ទឹងត្រែង។
មន្ត្រីអនុវត្តច្បាប់នៃការិយាល័យប្រឆាំងការជួញដូរគ្រឿងញៀនស្នងការដ្ឋាននគរបាលខេត្តអោយដឹងថាជនសង្ស័យត្រូវបានកម្លាំងជំនាញបង្ក្រាប់ក្រោយឆែកឆេរកឃើញថ្នាំញៀនចំនួនពីរកញ្ចប់ធំវិចខ្ចប់ក្នុងសំបកកញ្ចប់កាហ្វេពណ៌លឿង។លោក សាន់ និម៉ល់ ស្នងការរងទទួលផែនការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគរបាលខេត្តស្ទឹងត្រែង បានអោយដឹងថា ជនសង្ស័យមាន ឈ្មោះ ស៊ុរិញ៉ាក់វង្ស ប៉ក់ ភេទប្រុស អាយុ២៨ឆ្នាំ ជាជនជាតិឡាវ មានស្រុកកំណើត ភូមិមាកខៀវ ស្រុកប៉ាកង៉ឺម ក្រុងវៀងចាន់ ប្រទេសឡាវ។
ក្រោយការឃាត់ខ្លួនជនសង្ស័យ កម្លាំងសមត្ថកិច្ចនាខ្លួនំមកកាន់ស្នងការដ្ឋាននគរបាលខេត្តរួមជាមួយវត្ថុតាងលុះព្រឹកថ្ងៃទី២ខែធ្នូឆ្នាំ២០១៧មន្ត្រីអនុវត្តច្បាប់នៃការិយាល័យប្រឆាំងការជួញដូរគ្រឿងញៀនបានធ្វើតេស្តរកសារធាតុញៀនក្រោមការសម្របសម្រួលពីព្រះរាជអាជ្ញាអមសាលាដំបូងនិងក្រឡាបញ្ជី។
ជាក់ស្តែងក្រោយការធ្វើតេស្តជំនាញបានរកឃើញសារធាតុញៀននៅក្នុងវត្ថុតាងជាប្រភេទមេតំហ្វេតាមីនម្សៅក្រាមពណ៌សថ្លាមានទម្ងន់១៩៩.៧ក្រាម(ជិត២គីឡូក្រាម)។
បច្ចុប្បន្ន ជនសង្ស័យរួមនិងវត្ថុតាងខាងលើត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងដើម្បីបន្តនីតិវិធី៕
