ខេត្តកំពត៖ ក្រោមការចង្អុលបញ្ជាពីលោកឧត្តមសេនីយ៍ទោ ម៉ៅ ចន្ទ័មធុរិទ្ឋ ស្នងការខេត្ត និងមានការសម្របសម្រួលពី លោក ឯក ឆេងហ៊ួត ព្រះរាជអាជ្ញាអមសាលាដំបូងខេត្ត កំលាំងអន្តរាគមន៍ពិសេសរបស់ស្នងការខេត្ត ដឹកនាំដោយលោកវរសេនីយ៍ទោលក ញ៉ាវនាយការិយាល័យព្រហ្មទណ្ឌ័កំរិតស្រាលនៃស្នងការដ្ឋាននគរបាលខេត្ត បានចុះបង្ក្រាបសំបុកជួញដូរគ្រឿងញៀនមួយកន្លែងនៅក្នុងភូមិចំប៉ី ឃុំចំប៉ី ស្រុកអង្គរជ័យ ខេត្តកំពត កាលពីរសៀលថ្ងៃទី២៧ខែវិច្ឆិកា ឆ្នាំ ២០១៧។
ក្នុងកិច្ចប្រតិបត្តិការខាងលើកំលាំងអន្តរាគមន៍ពិសេសរបស់ស្នងការខេត្តបានឃាត់ខ្លួនជនជួញថ្នាំញៀនបាន២នាក់និងវត្ថុតាងថ្នាំញៀនមួយចំនួនធំផងដែរ។
លោកវរសេនីយទោ លក ញ៉ាវ បានឲ្យដឹងថា៖ជនសង្ស័យទាំងពីររួមមាន៖ទី១- ឈ្មោះ ហ៊ា សំណាង ភេទប្រុស អាយុ២២ឆ្នាំរស់នៅភូមិណងសាហេតុ ឃុំចំប៉ី ស្រុកអង្គរជ័យទី២- ឈ្មោះ ស៊ាន រដ្ឋា ភេទប្រុស អាយុ២២ឆ្នាំ រស់នៅភូមិចំប៉ី ឃុំចំប៉ី ស្រុកអង្គរជ័យខេត្តកំពត ដកហូតវត្ថុតាងថ្នាំញៀនចំនួន ២២កញ្ចប់(ធំ១កញ្ចប់
)។
ជនសង្ស័យទាំងពីនាក់រួមនិងវត្ថុតាងថ្នាំញៀនត្រូវបានសមត្ថកិច្ចការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តកំពតកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី៕
ណារិទ្ធ
