ខេត្តកំពង់ស្ពឺ ៖ មន្ទីរសង្គមកិច្ច និងយុវនីតិសម្បទាខេត្តកំពង់ស្ពឺ បានធ្វើបច្ចុប្បន្នភាពដល់កងកម្លាំងយោធា នគរបាលមន្ត្រី រាជការទូទាំង ៨ស្រុក-ក្រុង ក្នុងខេត្តកំពង់ស្ពឺ ទាំងមូលដែលចូលនិវត្តន៍ដើម្បីងាយស្រួលក្នុងការពន្លឿនទៅថ្នាក់លើបន្តទៀត ។
នេះបើតាមសម្តីរបស់លោក លុយ ឡុំ ប្រធានមន្ទីរសង្គមកិច្ច និងយុវនីតិសម្បទា ខេត្តកំពង់ស្ពឺ បានមានប្រសាសន៍ឱ្យ ដឹងថា ដោយលើកឡើងថា នេះដើម្បីងាយស្រួលដល់មន្ត្រីរាជការកងកម្លាំងទាំង ៣ នៅក្នុងស្រុកក្រុងចំនួន ៨ទូទាំង ខេត្តកំពង់ស្ពឺ និងគ្រួសារសពពលីផង ដែលជួយពន្លឿនដល់ការងារឆាប់ទទួលបានប្រាប់បៀវត្សផងដែរ ។
លោកបានបន្តទៀតថា ការចូលនិវត្តន៍របស់មន្ត្រីតាមមន្ទីរនិងកងកម្លាំងទាំងអស់មានជាបន្តបន្ទាប់តាមអាយុកាលជា ច្រើននាក់ជារៀងរាល់ឆ្នាំ ហើយខាងមន្ទីរតែងតែយកចិត្តទុកដាក់ចំពោះតម្រូវការរបស់បងប្អូនទាំងអស់ មិនរើសអើងចំពោះ ជនណាម្នាក់នោះឡើយ ។
ជាចុងក្រោយ លោកក៏សំណូមពរផងដែរ ដល់មន្ត្រីរាជការ និងកងកម្លាំងទាំង ៣ នៅក្នុងខេត្តកំពង់ស្ពឺ ទាំងមូលដែលមិនទាន់មានបំពេញសំណុំបែបបទសូមរួសរាន់ឡើងមកបំពេញនៅមន្ទីរសង្គមកិច្ចខេត្តកំពង់ស្ពឺ ដែលមានទីតាំងនៅតាមបណ្តោយផ្លូវជាតិលេខ ៤ ខាងលិចវិទ្យាល័យកំពង់ស្ពឺ ស្ថិតនៅក្នុងភូមិត្រពាំងលើក សង្កាត់រកាធំ ក្រុងច្បារមន ខេត្តកំពង់ស្ពឺ ៕
