ខេត្តក្រចេះ ៖ លោកឧត្តមសេនីយ៍ សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានដឹកនាំបញ្ជារផ្ទាល់កងកម្លាំងក្រោមឱវ៉ាទ ចុះ បង្ក្រាបបទល្មើសព្រៃឈើ ក្នុងក្រុមហ៊ុនEN investmentនិង
ចាប់ឃាត់ខ្លួនជនជាតិវៀតណាម៦នាក់ និងគ្រឿងចក្រជាច្រើនគ្រឿង នៅថ្ងៃទី១៩ ខែតុលា ឆ្នាំ២០១៧ ចំណុចគីឡូ១១៣ ឃុំគ្រញូងសែនជ័យ ស្រុកស្នួល ខេត្តក្រចេះ។
ប្រតិបត្តិការចុះបង្ក្រាបនេះ កម្លាំងអាវុធហត្ថខេត្ត ឃាត់បានវត្ថុតាងមួយចំនួន រួមមាន ៖
– ត្រាក់ទ័រ ចំនួន ៤គ្រឿង
– រឺម៉កផ្ទុកឈើមូល ចំនួន ៣គ្រឿង ( បច្ចុប្បន្ន មេព្រៃកំពុងវាស់វែង )
-រថយន្តកែច្នៃ ( ប៉ាកុង ) ចំនួន ២គ្រឿង គ្មានផ្ទុកឈើ
– គ្រឿងចក្រ និងអាប៊ុល ចំនួន ៤គ្រឿង
ឈើមូលចំនួន ១០០ កំណាត់ ( មានមុខកាត់ ៤តឹក បណ្តាយ ១០មែត្រ ) និងឃាត់ខ្លួនមនុស្សចំនួន ៦នាក់ជាជនជាតិវៀតណាម បញ្ជូនមក ទីបញ្ជាការអាវុធហត្ថខេត្តក្រចេះ ។
បច្ចុប្បន្នវត្ថុតាង ត្រូវបានការពារដោយ កម្លាំង អាវុធហត្ថខេត្តក្រចេះ ចំនួន ៣០នាក់ ។ ចំណែក ជំនាញរដ្ឋបាលព្រៃឈើ កំពុងសិក្សានីតិវិធីច្បាប់ នៃការបង្ក្រាបនេះ ដែលពាក់ព័ន្ធនឹងក្រុមហ៊ុនវិនិយោគ ។
