សៀមរាប ៖ ការអនុវត្តតាមសេចក្ដីណែនាំរបស់លោកឧត្តមសេនីយ៍ត្រី ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប នៅព្រឹកថ្ងៃទី១៨ ខែតុលា ឆ្នាំ២០១៧ លោកវរៈសេនីយ៍ឯក ហួត សុធី ស្នងការរងទទួលបន្ទុកផែនសន្តិសុខ បានអញ្ជើញចូលរួមបើកកិច្ចប្រជុំ ត្រួតពិនិត្យការងារសន្តិសុខ ប្រចាំខែ នៅសាលប្រជុំនៃស្នងការដ្ឋាននគរបាលខេត្តសៀមរាប។
កិច្ចប្រជុំនោះមានការ ចូលរួមពីបណ្តាអស់លោកនាយ នាយរងការិយាល័យ និងមន្ត្រីជំនាញចំណុះផែនសន្តិសុខ រួមនិងលោកអធិការរង និងនាយផ្នែកទទួលសន្តិសុខ ទាំង ១២ ក្រុង ស្រុកសៀមរាបចូលរួមផងដែរ។
កិច្ចប្រជុំក្នុងឱកាសនោះ គោលបំណងដើម្បីធ្វើការបូកសរុប និងត្រួតពិនិត្យវាយតម្លៃទៅលើការងារជំនាញដែលកងកម្លាំងនៃស្នងការនគរបាលខេត្តសៀមរាប បានអនុវត្តកន្លងមក និងរិះរកនូវចំណុចវិជ្ជមាន អវិជ្ជមាន និងបទពិសោធន៍ថ្មីល្អៗ ដើម្បីដាក់បញ្ជូលទៅក្នុងទិសដៅសំរាប់យកទៅអនុវត្តបន្តអោយកាន់តែមានប្រសិទ្ធិភាព និងតម្លាភាពបន្ថែមទៀត។
កិច្ចប្រជុំមានមតិសំណេះសំណាល ពីលោកវរៈសេនីយ៍ឯក ហួត សុធី បានមានប្រសាសន៍ផ្តាំផ្ញើរថា សូមឲ្យកម្លាំងទាំងអស់បង្កើននូវការយកចិត្តទុកដាក់សហការណ៍គ្នាឲ្យបានល្អ និងមានសាមគ្គីភាពឯកភាពផ្ទ្ទៃក្នុងឲ្យបានល្អ ហើយបន្តយកចិត្តទុកដាក់អនុវត្តនូវតួនាទីភារកិច្ចជំនាញរបស់ខ្លួន និងខិតខំរៀនសូត្រនូវជំនាញបន្ថែមទៀតដើម្បីបំពេញនូវចំណេះដឹងក្នុងការស៊ើបអង្គេតការងារសន្តិសុខអោយកាន់តែមានប្រសិទ្ធភាព និងធ្វើការណែនាំដល់មន្ត្រីក្រោមឱវាទ នៅតាមបណ្តាអធិការក្រុង ស្រុក នានាទូទាំងខេត្ត ត្រូវយល់ដឹងបន្ថែមស្តីពីសភាពការសន្តិសុខក្នុងមូលដ្ឋានរបស់ខ្លួន នាពេលបច្ចុប្បន្នក្នុងកិច្ចការពារថែរក្សានូវសន្តិភាពស្ថេរភាព សន្តិសុខ សុវត្ថិភាព និងសណ្តាប់ធ្នាប់សង្គម ជូនដល់ប្រជាពលរដ្ឋ នៅក្នុងមូលដ្ឋានដែលខ្លួនគ្រប់គ្រងក៍ដូចជាភ្ញៀវទេសចរណ៍ជាតិ និងអន្តរជាតិជាពិសេសគណៈប្រតិភូជាន់ខ្ពស់ជាតិ និងអន្តរជាតិឲ្យបានកាន់តែល្អប្រសើររឡើងថែមទៀត ៕
