ប៉ៃលិន ៖ ជនជាតិវៀតណាមប្រើគ្រឿងចក្រ កាយស្ទឹងបរតាំងស៊ូរែង យកមាសត្បូង មន្ត្រីជំនាញនិងអជ្ញាធរថា កែលំអច្រាំងស្ទឹងអោយស្អាត និងទប់ស្កាត់ទឹកជំនន់ដែលលិចលង់លំនៅដ្ឋាន របស់ប្រជាពលរដ្ឋ កាលពីល្ងាចថ្ងៃទី ៧ ខែកុម្ភៈ ឆ្នាំ២០១៥ នៅក្បែរស្ពានបរតាំងស៊ូ ភូមិបរតាំងស៊ូ សង្កាត់បរយ៉ាខា ក្រុងប៉ៃលិន ខេត្តប៉ៃលិន ។
មតិមហាជនបានរិះគន់ថា ច្រាំងស្ទឺងមានចម្ងាយពីស្ពានបរតាំងស៊ូ៣០០ម៉ែត្រ នៅមុខផ្ទះលោក ងួន យន ប្រធានមន្ទីរធនធានទឹកខេត្តប៉ៃលិន ហើយច្រាំងស្ទឹងដែលត្រូវកសាង ស្ថិតក្រោមការកាន់កាប់រប់លោក ងួន ឃន ផ្ទាល់ ។ ច្រាំងស្តឺងបរតាំងស៊ូ គេបានរៀបចំកែលំអ តាំងពីឆ្នាំ២០១៤ រហូតដល់ពេលនេះមិនទាន់រួចរាល់ នេះប្រហែលគ្រាន់ជាលេស ដើម្បីធ្វើអ្វីម្យ៉ាងសំរាប់ផលប្រយោជន៍ទេ ។
បើតាមការពិនិត្យជាក់ស្តែង ស្ទឹងបរតាំងស៊ូត្រូវក្រុមជនជាតិវៀតណាម មិនចេះភាសារខ្មែរ យកគ្រឿងចក្រកាយស្ទឹងរែងយករ៉ែមាស និងរ៉ែត្បូងតែប៉ុណ្ណោះ ម្យ៉ាងទៀត ហេតុអ្វីរើសយកចំណុចមុខផ្ទះលោក ងួន យន ប្រធានមន្ទីរធនធានទឹកខេត្តប៉ៃលិន។
ពាក់ព័ន្ធករណីនេះ លោក ងួន យន ប្រធានមន្ទីរធនធានទឹកខេត្តប៉ៃលិន ពេលអ្នកយកព័ត៌មានទូរស័ព្ទចូលលោកថាមានអី ពេលសួរសំណួរពាក់ព័ន្ធច្រាំងស្ទឹងលោកថា កំពុងជាប់រវល់ប្រជុំ ។
លោក កើត សុធា អភិបាលខេត្តប៉ៃលិន ពេលអ្នកយកព័ត៌មានទូរស័ព្ទចូលលោកថា កំពុងជាប់រវល់ប្រជុំ ។ លុះម៉ោង៥រសៀលថ្ងៃដដែល លោកអភិបាលខេត្តបានអោយលោក គង់ ដួង ប្រធានមន្ទីរព័ត៌មាន ខេត្តទូរស័ព្ទមកអ្នកយកព័ត៌មានដើម្បីបកស្រាយ ។
លោក គង់ ដួង ប្រធានមន្ទីរព័ត៌មានខេត្តបានអោយដឹងថា ច្រាំងស្ទឹងបរតាំងស៊ូ គឺអភិបាលខេត្តនិងក្រុមប្រឹក្សាខេត្តបានឯកភាពគ្នាអោយក្រុមហ៊ុនកសាងវាឡើង មានប្រវែងជិត១០០០ម៉ែត្រ ដើម្បីអោយប្រជាពលរដ្ឋមានទឹកស្អាតប្រើប្រាស់ មានសោភ័ណ្ទភាពទីក្រុង និងជួយការពារគ្រោះថ្នាក់ទឹកជំនន់ ព្រោះរាងរាល់ឆ្នាំ ផ្ទះប្រជាពលរដ្ឋចំណុចត្រង់នេះ មានទឹកជនលិចលង់ មិនដែលខាន ។ ខាងក្រុមហ៊ុនគេកាយស្ទឹងតែងតែចង់បានប្រយោជន៍ខ្លះ ដូចជាខ្សាច់នាំទៅលក់ដូរយកប្រាក់ទិញប្រេង ហើយទាំងនេះ ជាការសម្រេចរបស់ថ្នាក់ខេត្ត ៕
គឹមសុខជា
