ឯកឧត្តម លេង ផាលី រដ្ឋលេខាធិការក្រសួងបផែនការ និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ព្រមទាំងថ្នាក់ដឹកនាំក្រុមការងារគ្រូពេទ្យ បានអញ្ជើញចូលរួមក្នុងពិធីបុណ្យសព ឯកឧត្តម លឹម ថេង ដែលបានទទួលមរណភាព
ភ្នំពេញ÷ ថ្ងៃទី១៧ ខែមករា ឆ្នាំ២០២២ឯ កឧត្តម លេង ផាលី រដ្ឋលេខាធិការក្រសួងបផែនការ និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ព្រមទាំងថ្នាក់ដឹកនាំក្រុមការងារគ្រូពេទ្យ បានអញ្ជើញចូលរួមក្នុងពិធីបុណ្យសព ឯកឧត្តម លឹម ថេង ដែលបានទទួលមរណភាព នៅថ្ងៃសៅរ៍ ១៣កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៥ ខែមករា ឆ្នាំ២០២២ នៅវេលាម៉ោង ១៩:៣០នាទី ក្នុងជន្មាយុ ៧០ឆ្នាំ ដោយរោគាពាធ។
ក្នុងឱកាសប្រកបដោយក្តីខ្សឹកខ្សួលរំជួលចិត្ត ក្រៀមក្រំឥតឧបមា ឯកឧត្តម លេង ផាលី ព្រមទាំងថ្នាក់ដឹកនាំ និងសមាជិក សមាជិកា នៃក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី សូមសម្តែងនូវសមានទុក្ខប្រកបដោយអនិច្ចលក្ខណធម៌ដ៏
ជ្រាលជ្រៅ ព្រមទាំងក្តីសង្វេគដ៏មហាធំធេង និងពោរពេញដោយក្តីសោកស្តាយស្រណោះ អាឡោះអាល័យជាអនេកប្បការ។
ឯកឧត្តម លេង ផាលី ព្រមទាំងថ្នាក់ដឹកនាំ និងសមាជិក សមាជិកា នៃក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី សូមលំឱនកាយឧទិ្ទសបួងសួងដល់វត្ថុស័ក្តិសិទ្ធិ ក្នុងលោក សូមតាមថែរក្សាដួងវិញ្ញាណក្ខន្ធ ឯកឧត្តម លឹម ថេង បានទៅសោយសុខក្នុងសុគតិភពកុំបីឃ្លៀងឃ្លាតឡើយ ។🙏🙏🙏
