ត្បូងឃ្មុំ ៖ គ្រោះថ្នាក់ចរាចរណ៍រមួយបានកើតឡើងរវាងរថយន្តកែឆ្នៃ ១ គ្រឿងដឹកអង្ករពេញ បានក្រឡាប់ផ្ងារជើងនៅលើសាឡាង ។ ហេតុការណ៍នេះបានកើតឡើងនៅវេលាម៉ោង ៦ និង ៣០ នសទីព្រឹកថ្ងៃទី ១២ ខែកុម្ភៈ ឆ្នាំ
២០១៧ ។
បើតាមប្រភពពីលោក វរៈសេនីយ៍ត្រី អ៊ុក ពៅ អធិការរងនៃអធិការដ្ឋាន នគរបាលស្រុកក្រូចឆ្មាបានអោយដឹងថា នៅវេលាម៉ោងខាងលើ មានរថយន្តកែឆ្នៃពណ៌ត្រួយចេកមួយគ្រឿង ពាក់ស្លាកលេខ ព្រៃវែង 6A 0269 ដឹកអង្ករពេញឡាន បើកបរដោយបុរសម្នាក់មិនស្គាល់អត្តសញ្ញាណ បានចុះសាឡាងដើម្បីឆ្លងទៅខាងស្រុកស្ទឹងត្រង់ ហើយស្រាប់តែកំពង់ចុះចំណោត រថយន្តដាច់ហ្វ្រាំង ទៅបុកបង្កាន់ដៃសាឡាងខាងឆ្វេង បណ្តាលអោយក្រឡាប់ ផ្ងារជើងនៅលើសាឡាង ចំណែកអ្នកបើកបររងរបួសធ្ងន់ ដឹកយកទៅសង្គ្រោះ នៅមន្ទីរពេទ្យ ។
ចំណែកអ្នកដំណើរ និង មធ្យោបាយផ្សេងទៀតពុំមានរងរបួស និង ខូចខាតអ្វីនោះទេ ។
បន្ទាប់ពីហេតុកាណ៍នេះកើតឡើងសាឡាងដែលរថយន្តក្រឡាប់នោះបានបើកមកអែបខាងស្រុកស្ទឹងត្រង់ខេត្តកំពង់ចាម ហើយទុកអោយសាឡាងមួយផ្សេងទៀតដំណើរការធម្មតា ៕
ផល
