ខេត្តប៉ៃលិន ៖ បើទោះបីជាសមត្ថកិច្ចកាំកុងត្រូលសាខាខេត្តប៉ៃលិន សហការជាមួ យនឹងមន្ទីរពាណិជ្ជកម្មខេត្ត ខិតខំប្រឹងប្រែងដើរចាប់ទំនិញខូចគុណភាព និងហួសសុពល ភាព ជាញឹកញាប់ដូចភ្លៀងរលឹមយ៉ាងណា ។ តែអាជីវករលក់ដូរ ហាក់ដូចជានៅតែអត់យ ល់ដឹងអំពីបញ្ហាសុខភាពប្រជាពលរដ្ឋ ពោលគឺនៅតែលក់ទំនិញ ដែលប៉ះពាល់សុខភាពប្រជាពលរដ្ឋដដែល ដោយបន្តដាក់លក់តាមតូប និងហាងធំៗគួរឱ្យព្រួយបារម្ភយ៉ាងខ្លាំង ។
ជាក់ស្តែងកាលពីព្រឹកថ្ងៃទី១០ ខែកុម្ភៈ ឆ្នាំ២០១៧ នេះ សាខាកាំកុងត្រូលខេត្តប៉ៃលិ នសហការជាមួយនឹងមន្ទីរពាណិជ្ជកម្មខេត្ត បានចុះពិនិត្យទំនិញនៅក្នុងផ្សារសាមគ្គីហៅប៉ាហ៊ី ក្នុងភូមិប៉ាហ៊ីជើង សង្កាត់ប៉ៃលិន និងនៅផ្ទះពលរដ្ឋមួយកន្លែង នៅភូមិប៉ាហ៊ីត្បូង សង្កា ត់ប៉ៃលិន និងក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន ដោយដកហូតបានទំនិញហួសការប្រើប្រាស់ រួមមានទឹកក្រូចដបតូចធំ ចំនួន568ដប ទឹកក្រូចកំប៉ុង32កំប៉ុង មីកំប៉ុង02កំប៉ុង ទឹកដោះគោជូកូនកេ្មង17កំប៉ុង នំស្រួយដំឡូង253កញ្ចប់តូច ស្មើ26កញ្ចប់ធំ ។
ប្រជាពលរដ្ឋជាច្រើនរស់នៅក្នុងក្រុងប៉ៃលិន បានឱ្យដឹងថា ពួកគាត់ត្រូវតែមានការ ប្រុងប្រយ័ត្នខ្ពស់ចំពោះបញ្ហាសុខភាពផ្ទាល់ខ្លួន ខណៈទិញនំនិងចំណីអាហារផ្សេងៗ ដែលអាជីវករ ដាក់លក់តាមតូបនានាក្នុងផ្សារ ព្រោះសង្កេតឃើញខាងកាំកុងត្រូលខិតខំដើរចាប់ញឹកញាប់ណាស់ដែរ តែទំនិញហួសកាលបរិច្ឆេទនៅមានលក់ដដែល ធ្វើឱ្យពួកគាត់ព្រួយបារម្ភពីបញ្ហាសុខភាពខ្លួនឯង និងកូនៗ ដែលទៅរៀន ហើយទិញនំចំណីទាំងនោះយកទៅហូបផងដែរ ។ ពួកគាត់បន្តទៀតថា អាជីវករមួយចំនួនដឹងថា របស់ទាំងនោះហួសកាលបរិ ច្ឆេទដែរ តែនៅបន្តដាក់លក់ ដើម្បីផលប្រយោជន៍ផ្ទាល់ខ្លួន ដោយមិនគិតពីសុខភាពអ្នកដទៃឡើយ ។ ម្យ៉ាងវិញទៀត ការនាំចូលអាហារទាំងនោះ ជួនកាលក៏ជិតហួសកាលបរិច្ឆេទ ដែរ លុះដាក់តាំងលក់តែរយៈពេលខ្លីប៉ុណ្ណោះក៏ហួសកំណត់ទៅបាត់ លុះទិញយកទៅហូប មិនបានមើលឱ្យបានច្បាស់ បណ្តាលឱ្យមានបញ្ហារាគរុសផងដែរ ។
ចំណែកអាជីវករលក់ដូរនៅតាមតូបនានាជាច្រើន និងក្នុងភូមិមួយចំនួន ដែលខាងមន្ត្រីកាំកុងត្រូល ចាប់ដកហូត នំចំណី និងទំនិញហួសកាលបរិច្ឆេទទាំងនោះ មានការសោ កស្តាយយ៉ាងខ្លាំង ដោយមិនដឹងធ្វើយ៉ាងណានោះឡើយ បានធ្វើឱ្យពួកគាត់ខាតបង់លុយកាក់អស់ជាច្រើន ខណៈពេលខ្លះម៉ូយដឹកមកដាក់ដល់ផ្ទះ មិនបានពិនិត្យឱ្យបានច្បាស់ លាស់ លុះតាំងលក់តែរយៈពេលប៉ុន្មានថ្ងៃប៉ុណ្ណោះ ក៏ហួសកាលកំណត់ ត្រូវបានគេដកហូតអស់រលីងតែម្តង ។
ពួកគាត់ក៏សំណូមពរឱ្យខាងមន្ត្រីកាំកុងត្រូល ត្រួតពិនិត្យនៅច្រក ទ្វារអន្តរជាតិព្រំ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ផងដែរ មុននឹងឱ្យឈ្មួញដឹក យកទៅលក់ដូរនៅតាមស្តង់ធំៗ បើសិនជាឃើញគ្រឿងហូបជិតហួសកាលកំណត់ទៅហើ យមិនគួរបើកឱ្យយកចូលមកលក់ដូរនៅក្នុងទឹកដីប្រទេសកម្ពុជានោះឡើយ ៕
ដោយ ៖ នីយ៉ា
