ខេត្តបន្ទាយមានជ័យ ៖ សន្និបាតបូកសរុបលទ្ធផលការងារឆ្នាំ២០១៦ និងលើកទិសដៅការងារឆ្នាំ២០១៧ ត្រូវបានប្រារព្ធឡើង ក្រោមអធិបតីភាព ឯកឧត្តម សេងថានី អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ឯកឧត្តម អ៊ុង អឿន ប្រធានក្រុមប្រឹក្សាខេត្ត ឯកឧត្តម លី សារី អភិបាលរងខេត្តបន្ទាយមានជ័យ លោកប្រាក់បូលីប្រធានមន្ទីរនគររូបនិយកម្មខេត្តបន្ទាយមានជ័យ និងមន្ត្រីនសូរិយោដីជាច្រើននាក់ទៀត កាលព្រឹកថ្ងៃទី១៣ ខែកុម្ភៈ ឆ្នាំ២០១៧នេះ នៅសាលប្រជុំក្នុងមន្ទីររៀបចំដែនដី នគរូបនីយកម្ម និងសំណង់ ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។
លោក ប្រាក់ បូលី បានមានប្រសាសន៍ថា ក្នុងឆ្នាំ២០១៦ កន្លងមកនេះ ការងារមន្ទីររៀបចំដែនដីនគររូបនីយកម្មខេត្តបន្ទាយមានជ័យបានសម្រេចលទ្ធផលធំៗជាច្រើន ដូចជាការចុះបញ្ជីដីធ្លីគិតពីពេលចាប់ផ្តើមរហូតមកដល់ឆ្នាំ២០១៦នេះ ខេត្តបន្ទាយមានជ័យមានការរីកចំរើនយ៉ាងខ្លាំងគួរឲ្តកត់សំគាល់ទាំងអាជ្ញាធរខេត្ត ទាំងមន្ទីជំនាញពាក់ព័ន្ធបានយកចិត្តទុកដាក់ក្នុងការទប់ស្កាត់នូវសំណង់គ្មានច្បាប់អនុញ្ញាតិ សំណង់ខុសប្លង់ សំណង់លើផ្លូវសាធារណៈ ដើម្បីជៀសវាងការបាត់បង់សោភ័ណភាពសណ្តាប់ធ្នាប់សង្គម ។
លោក ប្រាក់ បូលី បានបញ្ជាក់ទៀតថា ការគ្រប់គ្រងដីធ្លីគឺជាវិធានការដ៏ក្តៅគគុក ដែលរដ្ឋាបាលខេត្តបានយកចិត្តទុកដាក់ក្នុងគោលបំណងគ្រប់គ្រងនិងប្រើប្រាស់ដីធ្លីរបស់រដ្ឋឲ្យបានត្រឹមត្រូវដើម្បីជាផលប្រយោជន៍ដល់សង្គមជាតិហើយស្របតាមគោលការណ៍ច្បាប់ និងបច្ចេកទេសដោយផ្តោតសំខាន់លើវិធានការណ៍ពង្រឹងប្រព័ន្ធគ្រប់គ្រង ។
លោក ប្រាក់ បូលី បានបញ្ជាក់ទៀតថា ការបំបាត់ភាពអាណាធិបតេយ្យក្នុងការចូលកាន់កាប់ដីធ្លីដោយខុសច្បាប់និងការដាក់ចេញនូវវិធានការណ៍សមស្របដើម្បីទប់ស្កាត់ការទម្ទ្រានយកដីរដ្ឋ និងការគ្រប់គ្រងប្រកបដោយប្រសិទ្ធភាព ។
វិធានការនេះធ្វើឡើងដើម្បីបង្កើនប្រសិទ្ធភាពក្នុងការគ្រប់គ្រងនិងប្រើប្រាស់ដីទំនេររ បស់រដ្ឋនិងឯកជន ព្រមទាំងពិនិត្យដោះស្រាយរាល់លិខិតស្នាមដែលអាជ្ញាធរ មូលដ្ឋាន និងអង្ការមួយចំនួនតូច កសាងឯកសារ ដោយមិនស្របតាមលិខិតបទដ្ឋានគគិយុទ្ធ ។
លោក ប្រាក់ បូលី បានបញ្ជាក់ទៀតថា ម្ចាស់សំណង់មួយចំនួនពុំបានសុំច្បាប់អនុញ្ញាតសាងសង់ ដោយសំអាងលើការសុំទៅអាជ្ញាធរមូលដ្ឋាន ឬមានអន្តរាគមន៍នានាដែលខុសពីនិតិវិធីច្បាប់ ។ ហើយប្រជាពលរដ្ឋមួយចំនួនតូចនៅតែមានការរំលោភកាន់កាប់ដីរបស់រដ្ឋធ្វើជាកម្មសិទ្ធិផ្ទាល់ខ្លួនដដែល ។ នេះជាបញ្ហាប្រឈមនៅខាងលើនេះក្នុងនោះដែរលោកប្រាក់បូលីសុំឲ្យ មន្ទីរជំនាញ អាជ្ញាធរមូលដ្ឋានគ្រប់លំដាប់ថ្នាក់ ជាពិសេសប្រជាពលរដ្ឋ ដើម្បីចូលរួមចំណែកកសាងនិងអភិវឌ្ឍខេត្តបន្ទាយមានជ័យឲ្យកាន់តែមានការរីកចំរើមបន្ថែមជាងនេះទៅទៀត ។ ក្នុងនោះ ឯកឧត្តម សេង ថានី ក៏បានមានប្រសាសន៍ដែរថា ការចុះបញ្ជីដីធ្លីគិតពីពេលចាប់ផ្តើនរហូតដល់ឆ្នាំ២០១៦នេះក្រសួងសម្រេចចែកប័ណ្ណកម្មសិទ្ធដីធ្លីចាន៤.៤៥១.៨១៧ក្បាលដី ក្បាលដីសរុប៧លានក្បាលដី មានបណ្តឹងសរុប៧.៥០០ករណី ដោះស្រាយបញ្ចប់ចំនួនជាង៣.៥០០ករណីបញ្ចូនទៅសមត្ថកិច្ចជាង២.៥០០ករណីដោយឡែកដីក្រៅក្របខ័ណ្ទជាង៧០០ករណី ។
ឯកឧត្តម សេង ថានី បានបញ្ជាក់ទៀតថា នៅឆ្នាំ២០១៦នោះដែរ ក្រសួងបានផ្តល់លិខិតអនុញ្ញាតសាងសង់ទូទាំងប្រទេស សម្រេចបានចំនួន២.៦៣៥គរោងហើយផ្ទៃក្រឡាសំណង់សរុប១២.១៥៨.២៦៨ម៉ែតក្រឡា។ ក្នុងនោះ ឯកឧត្តម សេង ថានី បានឲ្យមន្ត្រីសូរិយោដីទាំងជៀសឲ្យឆ្ងាយអំពើពុករលួយ ការស៊ីសំណូក និងការសូកប៉ាន់ ជាបទល្មើសព្រហ្មទណ្ទដែលត្រូវផ្តន្ទាទោសយ៉ាងធ្ងន់ធ្ងមន្ត្រីទាំងអស់នោះ ៕
