ខេត្តបន្ទាយមានជ័យ ៖ នៅព្រឹកថ្ងៃទី១៣ ខែកុម្ភ: ឆ្នាំ២០១៧ នៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ បានបើកកិច្ចប្រជុំ ត្រួតពិនិត្យការអនុវត្តន៍តួនាទី ភារកិច្ច និងការងារកងរាជអាវុធហត្ថខែកុម្ភ: ឆ្នាំ២០១៧លើកទិសដៅខែមិនា ឆ្នាំ២០១៧ ក្រោមអធិបតីភាព លោកឧត្ដមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្ត ដែលមានការចូលរួមពីសំណាក់មេបញ្ជាការរង នាយរងសេនាធិការដ្ឋាន ប្រធាន អនុប្រធានមន្ទីរ នាយ នាយរងការិយាល័យ មេបញ្ជាការ មេបញ្ជាការរង ក្រុង ស្រុក ប្រធាន អនុប្រធានស្នាក់ការសន្តិសុខ និងមេបញ្ជាការ មេបញ្ជាការរង កងអនុសេនាធំចល័ត លេខ ១៧ ចំនួន១១២នាក់។
ក្នុងកិច្ចប្រជុំនោះដែរ លោកឧត្ដមសេនីយ៍ត្រី បានផ្សព្វផ្សាយសេចក្តីសម្រេចស្តីពី ការបែងចែក ភារ:កិច្ច ជួយមេបញ្ជាការតាមផែន ការងារជំនាញនិមួយៗ ,ផែនការប្រយុទ្ធប្រឆាំងគ្រឿងញៀន, ផែនការ ទប់ស្កាត់ និងបង្ក្រាប បទល្មើស ធនធានធម្មជាតិផងដែរ។ លោកឧត្ដមសេនីយ៍ត្រី ឱ បូរិន្ទ បានមានប្រសាសន៍បន្ថែមទៀតថា គ្រប់មូលដ្ឋាន ក្រុង ស្រុក និងស្នាក់ការសន្តិសុខទាំងអស់ ត្រូវមានស្មារតីខ្ពស់រាល់កិច្ចការការពារប្រតិភូថ្នាក់ជាតិ-អន្តរជាតិ និងការរក្សាសន្តិសុខសង្គម សណ្ដាប់ធ្នាប់សាធារណ:ឲ្យបានល្អប្រសើរ ៕
