ត្បូងឃ្មុំ ៖ នគរបាលសេដ្ឋកិច្ច ខេត្តត្បូងឃ្មុំ បានបង្ក្រាបឈ្មួញដឹកឈើប្រណិត តាមរថយន្តឆ្លងកាត់ខេត្តត្បូងឃ្មុំ លោតឆត័យកទៅលក់ប្រទេសវៀតណាម។
លោកវរសេនីយ៍ឯក គង់ វិចិត្រ នាយការិយាល័យប្រឆាំងបទល្មើសសេដ្ឋកិច្ច ខេត្តត្បូងឃ្មុំ បានឲ្យដឹងថា នៅវេលាម៉ោង៦:០០នាទី ថ្ងៃទី៨ កុម្ភៈ ២០១៧ នៅចំណុចផ្លូវបំបែកភូមិក្រែក ឃុំក្រែក ស្រុកពញាក្រែក ខេត្តត្បូងឃ្មុំ បានដឹកនាំមន្ត្រីជំនាញ ត្រួតពិនិត្យរថយន្ត១គ្រឿង ម៉ាកកាម៉ារីឆ្លាម ពាក់ស្លាកលេខ ភ្នំពេញ 2S 5948 បើកបរដោយឈ្មោះ ហេង រ៉ាវុធ ភេទប្រុស អាយុ៤០ឆ្នាំ រស់នៅភូមិសែនជ័យ ឃុំស្រអែម ស្រុកជាំក្សាន្ត ខេត្តព្រះវិហារ ។
ជាលទ្ធផលសមត្ថកិច្ចបានរកឃើញឈើប្រភេទក្រញូង ចំនួន១៦៥ដុំ ទម្ងន់៤២៧គ.ក ។
ប្រភពពត៌មានពីប្រជាពលរដ្ឋ នៅស្រុកមេមត់ ខេត្តត្បូងឃ្មុំ បានឲ្យថឹងថា ការបង្ក្រាបរថយន្តដឹកឈើប្រណិតនេះ ទំនងជាសមត្ថកិច្ចមិនបានទទួលសំណែន ពីឈ្មួញ ពីព្រោះកន្លងមកគេឃើញរថយន្តដឹកឈើប្រណិតបែបនេះ ឆ្លងកាត់ភូមិសាស្ត្រខេត្តត្បូង ទៅប្រទេសវៀតណាម ដោយរលូន គ្មានរំខាងដល់សមត្ថលិច្ចបន្តិចឡើយ ។
វត្ថុតាងនិងជនសង្ស័យ ត្រូវបានសមត្ថកិច្ចឃាត់ខ្លួន កសាងសំណុំរឿង បញ្ជូនទៅរដ្ឋបាលព្រៃឈើ ចាត់ការបន្ត ។
ដារ៉ា
