សម្តេចនាយករដ្ឋមន្ត្រី បានថ្លែងបញ្ជាក់នៅថ្ងៃសុក្រនេះនូវការគ្រោងបើកដំណើរការសេដ្ឋកិច្ចលើគ្រប់វិស័យ សាឡើងវិញប្រសិនណាបើក្នុងរយៈពេលឈប់សម្រាកបីថ្ងៃក្នុងពិធីបុណ្យភ្ជុំបិណ្ឌនេះ ហានិភ័យឆ្លងនឹងស្ថិតក្នុង កម្រិតដែលអាចគ្រប់គ្រងបាន។

ពិធីបុណ្យភ្ជុំបិណ្ឌបានបញ្ចប់ចុងក្រោយកាលពីថ្ងៃទី៧តុលា និងប្រមុខរាជរដ្ឋា ភិបាលបានថ្លែងថា គេកំពុងរង់ចាំមើលលទ្ធផលក្នុងរយៈពេល១០ទៅ១៥ថ្ងៃបន្ទាប់ពីនេះ។ ថ្លែងក្នុងកិច្ចប្រជុំគណ រដ្ឋមន្ត្រីនៅថ្ងៃសុក្រនេះ សម្តេចតេជោហ៊ុនសែន បានបញ្ជាក់ជុំវិញគម្រោងបើកដំណើរការសេដ្ឋកិច្ចលើគ្រប់ វិស័យនាចុងឆ្នាំ២០២១នេះ ។

តួលេខភ្ញៀវទេសចរណ៍ដើរកំសាន្តក្នុងពិធីបុណ្យភ្ជុំបិណ្ឌរយៈពេល៣ថ្ងៃកន្លងមកនេះ មានចំនួន៦៦ម៉ឺន៤ពាន់ ៦៩៧នាក់ដែលជាសញ្ញាបង្ហាញនៃការស្ទុះងើបឡើងវិញនៃតួលេខទេសចរណ៍ក្នុងស្រុក។ យោងតាមក្រសួង

ទេសចរណ៍ គោលដៅទេសចរណ៍សំខាន់ៗសម្រាប់រយៈពេល ៣ថ្ងៃនេះ រួមមានខេត្តកំពតមានចំនួន១០ម៉ឺន ២ពាន់៥៩៣ នាក់, ខេត្តកែប៩ម៉ឺន៦ពាន់៤៧១ នាក់, ខេត្តព្រះសីហនុ ៨ម៉ឺន៥១៩ នាក់, ខេត្តពោធិ៍សាត់ ៥ម៉ឺន ១០៩ នាក់, ខេត្តកំពង់ស្ពឺ ៣ម៉ឺន៩ពាន់៦៤២ នាក់, ខេត្តបាត់ដំបង ៣ម៉ឺន ៧ពាន់៧២៤ នាក់, ខេត្តកំពង់ចាម ៣ម៉ឺន៦ពាន់១៤០ នាក់, និងខេត្តសៀមរាប៣ម៉ឺន៣ពាន់២២២ នាក់៕