ដំណើរចុះត្រួតពិនិត្យសួរសុខទុក្ខ ពង្រឹងការងារជំនាញបន្ថែម និងពិនិត្យកន្លែងសាងសង់សាលប្រជុំរបស់អធិការដ្ឋាននគរបាលស្រុកពញាក្រែក

ដំណើរចុះត្រួតពិនិត្យសួរសុខទុក្ខ ពង្រឹងការងារជំនាញបន្ថែម និងពិនិត្យកន្លែងសាងសង់សាលប្រជុំរបស់អធិការដ្ឋាននគរបាលស្រុកពញាក្រែក
ខេត្តត្បូងឃ្មុំ៖ នៅថ្ងៃចន្ទ ទី២០ ខែកញ្ញា ឆ្នាំ២០២១
លោកឧត្ដមសេនីយ៍ត្រី ម៉ុន មាគ៌ា ស្នងការនគរបាលខេត្តត្បូងឃ្មុំ បានអញ្ជើញចុះពិនិត្យ​សួរសុខទុក្ខ ពង្រឹងការងារទំនាក់ទំនង ត្រួតពិនិត្យ នៅការិយាល័យទំនាក់ទំនងព្រំដែន BLO ដែលមានទីតាំងនៅច្រកទ្វារព្រំដែនអន្តរជាតិត្រពាំងផ្លុង ។ បន្តចុះពិនិត្យ ប៉ុស្តិ៍នគរបាលការពារព្រំដែនគោកត្រាចខោល (គោលដៅ បុស្សវង និង បុស្សចេក) ណែនាំដល់កម្លាំងឱ្យបង្កើនការងារចុះល្បាត ទប់ស្កាត់ការឆ្លង​ដែនខុសច្បាប់ និង អញ្ជើញបន្តទៅពិនិត្យទីកន្លែង​សម្រាប់សាងសង់ សាលប្រជុំ នៅ​អធិការដ្ឋាន​នគរបាល​ស្រុក​ពញាក្រែក ។
នៅក្នុងឱកាសនោះផងដែរ លោកឧត្តមសេនីយ៍ស្នងការ ក៏បានមានប្រសាសន៍ផ្ដាំផ្ញើរ ឱ្យបងប្អូនកងកម្លាំងទាំងអស់ ត្រូវបន្តយកចិត្តទុកដាក់ ចុះល្បាត នៅក្នុងតំបន់ភូមិសាស្រ្តទទួលខុសត្រូវ និងខិតខំការពារសន្តិសុខ សុវត្ថិភាព សណ្ដាប់ធ្នាប់ ជូនបងប្អូនប្រជាពលរដ្ឋ និងត្រូវអនុវត្តឱ្យបានខ្ជាប់ខ្ជួននូវវិធានការរបស់ ក្រសួងសុខាភិបាល និង ៣ការពារ ៣កុំ របស់រាជរដ្ឋាភិបាល ៕