បញ្ហារឿងដីធ្លីមិនចេះចប់ឡើយ នៅគ្រប់ទីកន្លែងទូទាំងព្រះរាជាណាចក្រកម្ពុជា ដែលធ្វើឱ្យប្រមុខរាជរដ្ឋាភិបាល លោកសែនឈឺក្បាលអ្នកខ្លះអាងសិទ្ធិអំណាចគាបសង្កត់ប្រជាពលរដ្ឋក្រីក្រ រឹបអូសយកដីពួកគាត់យ៉ាងអយុត្តិធម៌ អ្នកខ្លះប្តឹង ផ្តល់គ្នា រហូតដល់មានការឈ្លោះប្រកែកបាញ់បោះគ្នាថែមទៀតផងក៏ដោយសារតែបញ្ហាដីនេះឯង ។
ដូច្នេះរឿងរ៉ាវដែលកំពុងតែកើតឡើងនៅក្នុងអាងស្តុកទឹក៧មករា ដែលស្ថិតនៅក្នុងឃុំអន្លង់រមាត ស្រុកកណ្តាលស្ទឹង ខេត្តកណ្តាល ដែលបានចោទប្រកាន់ទៅលោក អេង សុភាព អនុប្រធានការិយាល័យភូមិបាលស្រុកកណ្តាលស្ទឹងថា បានស៊ិស ស៊ុសជាមួយលោក ផៃ ប៊ុនឈឿន អតីតអភិបាលខេត្តកណ្តាល ធ្វើប័ណ្ណកម្មសិទ្ធិដី ១៧ហិកតា ក្នុងអាងស្តុកទឹក ៧មករា ។ ហើយចំណែកលោក អេង សុភាព បានប្រាប់អ្នកសារព័ត៌មានយើងថា លោកមិនបានពាក់ព័ន្ធក្នុងរឿងនោះទេ ប្រជាពលរដ្ឋ ទាំងអស់ប្រហែលជាមិនបានជ្រាបទេ គ្រាន់តែត្រឹមម៉ាឮ ហើយចេះតែថា តាមៗគ្នាពីព្រោះភូមិកំពង់ទួល អត់ត្រូវលោកស៊ីញ៉េ ទេ ពីព្រោះលោកមានឋានៈត្រឹមតែអនុប្រធានប៉ុណ្ណោះ មានសិទ្ធឯណាទៅស៊ីញ៉េសម្រេចនោះ ។
លោកបានបញ្ជាក់ទៀតថា ការងាររត់ការទាក់ទងស៊ិសស៊ុសស្អីនោះ ក៏មិនពាក់ព័ន្ធជាមួយលោកដែរ ពីព្រោះវាជាអាង ស្តុកទឹករបស់រដ្ឋមិនមែនចេះតែធ្វើស្រេចនឹងចិត្តនោះទេ គឺទាល់តែមានការឯកភាពពីខេត្ត ហើយគេប្រកាសបិទផ្សាយ ជាសាធារណៈ ហើយកាលដែលគេបិទផ្សាយចេញម្តេចក៏មិនប្តឹង សួរថា គាត់មានភស្តុតាងអីសម្រាប់ប្តឹង ពីមុនប្តឹងខ្ញុំម្តង ហើយ ទៅ ACU គាត់ថា ខ្ញុំរត់ការឱ្យឧកញ៉ាម្នាក់ដល់ពេលទៅដល់ថ្នាក់លើ គឺអត់មានអ្វីព្វាក់ព័ន្ធទាល់តែសោះ ។
លោក អេង សុភាព បន្តទៀតថា ការពាក់ព័ន្ធក្នុងរឿងអាងស្តុកទឹក ៧មករា បើនិយាយពីគោលការណ៍មិនមែន ប្រជាពលរដ្ឋជាអ្នកប្តឹងទេ គឺរដ្ឋតែម្តងជាអ្នកប្តឹងពីព្រោះវាជាសម្បត្តិរបស់រដ្ឋ ហើយរូបលោកមានសិទ្ធិឯណាទៅរត់ការរឿង ហ្នឹងនោះទេ ? ហើយលោកមានសិទ្ធិឯណាទៅចុះហត្ថលេខារឿងនោះ អាងស្តុកទឹកប៉ុណ្ណាណីអ្នកណាយកចង្អេរទៅបាំងជិត គាត់ត្រឹមតែអនុប្រធានការិយាល័យភូមិបាលទៅសម្រេចអ្វីចេញ ហើយវាហួសពីសមត្ថភាពរបស់លោក លោកនៅតែមានប្រសាសន៍ដដែលៗថា ក្នុងករណីនេះលោកឥតមានការពាក់ព័ន្ធអ្វីនោះទេ ។
សារព័ត៌មានយើងខ្ញុំដែលធ្លាប់តែឮអំពីកិត្តិនាមរបស់លោកធ្លាប់ចុះជួយតាមភូមិ-ឃុំ ក្នុងស្រុកកណ្តាលស្ទឹងជារឿយៗ ដែលជាស្នាដៃរបស់លោក ហើយបញ្ហារឿងអាងស្តុកទឹក៧មករា គឺអាស្រ័យថ្នាក់លើជាអ្នកត្រួតពិនិត្យ និងដោះស្រាយ ដោយពិតៗ ៕
