លោកលឹមសុទ្រីអនុប្រធានសាធារណះការខេត្តសៀមរាបកំពុងតែប្រើអំណាចរបស់ខ្លួនរំលោភនៃច្បាប់មន្ត្រីមូលដ្ឋាន និងសាលាក្រុងសៀមរាប លួចសាងសងសំណង់ដោយគ្មានច្បាប់អនុញ្ញាតពីមន្ទីរសូរីយោដីនគររូបិយនីកម្មនឹងសំណងខេត្តសៀមរាបថែមទាំងធ្វើរបងបិទផ្លូវមិនអោយប្រជាពលរដ្ឋ ទាំង០៣ គ្រួសារគ្មានផ្លូវចេញចូលទៅលំនៅដ្ធានរយះពេល០៣ថ្ងៃមកហើយតាំងពីថ្ងៃទី១៧ ខែតុលា រហូតដល់ថ្ងៃទី១៩ ខែតុលាឆ្នាំ២០១៦ ។
ក្នុងរឿងនេះ ត្រូវបានប្រភពពីប្រជាពលរដ្ឋនាំគ្នាធ្វើការិះគន់លោកលឹមសុទ្រីអនុប្រធានសាធាណះការខេត្តថា ក្នុងរឿងនេះ លោក លឹម សុទ្រី អាងអំណាចរបស់ខ្លួនជាអនុប្រធានសាធារណះការខេត្ត ហើយបានជាហ៊ានសាងសង់សំណងដោយគ្មានច្បាប់បែបនេះ ថែមទាំងធ្វើរបងចាក់សោរបិទផ្លូវ មិនអោយប្រជាពលរដ្ឋ ០៣ គ្រួសារ គ្មានផ្លូវដើរចេញចូល ។
ក្នុងរឿងនេះ លោក ខៀវ សត ចៅសង្កាត់ស្លក្រាមនិងលោក ស៊ួរ ប្លាតុង អភិបាលក្រុងសៀមរាប និងលោក ហ៊ី សាយ ប្រធានសូរិយោដី នគររូបនីយកម្មនិងសំណងខេត្តសៀមរាប បានធ្វើការអះអាង និងបញ្ជាក់ប្រាប់ភ្នាក់ងារព័ត៌មាននៅព្រឹកថ្ងៃទី១៩ ខែតុលា ឆ្នាំ២០១៦ នេះថា សំណង់របស់លោកលឹម សុទ្រី អនុប្រធានសាធារណការនេះ គឺអត់ច្បាប់មែន ហើយមន្ទីរពាក់ព័ន្ធក៏ធ្លាប់ចុះទៅធ្វើការហាមឃាត់ជាច្រើនដងមកហើយ តែគ្មានប្រសិទ្ធភាពព្រោះលោក លឹម សុទ្រី អាងអំណាចរបស់ខ្លួន ទើបមិនស្តាប់ការហាមឃាត់ពីក្រសួងណាទាំងអស់ ។ មិនតែប៉ុណ្ណោះ ធ្វើការបិទផ្លូវអោយប្រជាពលរដ្ឋទាំង០៣គ្រួសារ គ្មានផ្លូវចូលទៅលំនៅដ្ឋានអោយដេកក្រៅរបងផ្ទះ រយះពេល០៣ថ្ងៃមក ហើយសូម្បីតែលោកអភិបាលក្រុងចុះទៅដោយស្រាយក្នុងរឿងក៏មិនអាចដោយស្រាយបានទេក្នុងរឿងនេះ ៕
