ខេត្តប៉ៃលិន ៖ នៅក្នុងបរិវេណសាលាខេត្តប៉ៃលិន កាលពីព្រឹកថ្ងៃទី០៤ ខែឧសភា ឆ្នាំ២ ០១៦ កន្លងទៅនេះ អាជ្ញាធរខេត្ត បានរៀបចំ ធ្វើកម្មវិធីសច្ចាប្រណិធាន និងបំពាក់កន្សែងជូនក្រុមកាយរឹទ្ធ ដែលស្ថិតនៅក្រោមអធិបតីភាព ដ៏ខ្ពង់ខ្ពស់ឯកឧត្តម ជុច ភឿន រដ្ឋលេខាធិការក្រ សួងវប្បធម៌ និងវិចិត្រសិល្បៈ និងជាអនុប្រធានកាយរឹទ្ធជាតិកម្ពុជា តំណាងដ៏ខ្ពង់ខ្ពស់របស់ឯ កឧត្តម បណ្ឌិត សភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋ មន្ត្រី និងជាប្រធានកាយរឹទ្ធជាតិកម្ពុជា ដោយមានការអញ្ជើញចូលរួមពីឯ កឧត្តម កើត សុធា អភិបាល នៃគណៈអភិបាលខេត្តប៉ៃលិន ព្រមទាំងមន្ត្រីរាជការជុំវិញសាលាខេត្ត លោកគ្រូ អ្នកគ្រូ និងសិស្សានុសិស្ស យ៉ាងច្រើនកុះករ ។
ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន បានមានប្រសាសន៍ថា ក្នុងនាមកាយរឹទ្ធជាតិកម្ពុជាខេត្តប៉ៃលិន និងក្នុងនាមខ្លួនខ្ញុំផ្ទាល់សូមគោរពសំដែងនូវគារវកិច្ច និងស្វាគមន៍យ៉ាងជ្រាលជ្រៅប្រកបដោយភាពកក់ក្តៅបំផុត ចំពោះវត្តមានដ៏ខ្ពង់ខ្ពស់របស់ឯកឧត្តម ជុច ភឿន រដ្ឋលេខាធិការក្រសួងវប្បធម៌ និងវិចិត្រសិល្បៈ និងជាអនុប្រធានកាយរឹទ្ធជាតិកម្ពុជា ។ ឆ្លៀតក្នុងឱកាសដ៏មមាញឹក និងមានតម្លៃបំផុត ដោយបានអញ្ជើញជាអធិបតីក្នុងពិធី សច្ចាប្រណិធាន និងបំពាក់កន្សែងនវកាយរឹទ្ធជាតិកម្ពុជា នៅខេត្តប៉ៃលិន នាពេលនេះ ។
ក្នុងឱកាសនេះ ក៏សូមថ្លែងអំណរគុណយ៉ាងជ្រាលជ្រៅចំពោះវត្តមានឯកឧត្តម លោកជំទាវ លោក លោកស្រី ភ្ញៀវកិត្តិយសទាំងអស់ ដែលបានផ្តល់កិត្តិយសអញ្ជើញចូលរួម ដែលនាំឱ្យអង្គពិធី ទាំងមូលមានភាពអធិកអធមយ៉ាងក្រៃលែង ។ ឯកឧត្តមបានបន្តទៀតថា កាយរឹទ្ធជាតិកម្ពុជាខេត្តប៉ៃលិន បានធ្វើសកម្មភាពជាច្រើន ដើម្បីបម្រើផលប្រយោជន៍ក្នុងការអភិវឌ្ឍកុមារ និងយុ វជនឱ្យមានសមត្ថភាពពេញលេញខាងផ្លូវកាយ ផ្លូវបញ្ញា ផ្លូវសង្គម និងផ្លូវចិត្ត ក្នុងការប្រែក្លា យ ឱ្យពួកគេមានលំនឹងក្នុងជីវិត មានទំនួលខុសត្រូវខ្ពស់ ជាពលរដ្ឋល្អមានសមត្ថភាព ព្រមទាំ ងក្លាយជាសមាជិកក្នុងគ្រួសារ និងសហគមន៍នៅមូលដ្ឋានប្រកបដោយភាពសប្បុរសធម៌ សច្ច ធម៌ និងការរស់នៅប្រកបដោយសុខដុមរម្យនាថែមទៀតផង ។ ជាក់ស្តែងថ្ងៃនេះយើងនឹងប ញ្ចូលសមាជិកថ្មីចំនួន២៨៥៥នាក់ ដែលសមាជិកចាស់របស់យើងនៅសល់១៥៤នាក់ សរុប យើងមានកម្លាំងចលនាកាយរឹទ្ធជាតិកម្ពុជាខេត្តប៉ៃលិនចំនួន៣០០៩នាក់ ។
ចំណែក ឯកឧត្តម ជុច ភឿន រដ្ឋលេខាធិការក្រសួងវប្បធម៌ និងវិចិត្រសិល្បៈ និងជាអនុ ប្រធានកាយរឹទ្ធជាតិកម្ពុជា បានមានប្រសាសន៍ថា ការបង្កើតក្រុមកាយរឹទ្ធនេះឡើងក្នុងគោល បំណង ឱ្យយុវជនចូលរួមក្នុងកិច្ចការសង្គម កិច្ចការសប្បុរសធម៌ ជួយជនក្រីក្រ ពិធីបុណ្យជាតិ និងអន្តរជាតិ ការចុះជួយអប់រំជម្ងឺអេដស៍ បញ្ហាគ្រឿងញៀន ការអប់រំបង្ការគ្រប់មីន និងគ្រាប់យុទ្ធភ័ណ្ឌមិនទាន់ផ្ទុះ ជម្ងឺគ្រុនចាញ់ ផ្តាសាយបក្សី និងជួយក្នុងពេលមានគ្រោះមហន្តរាយផ្សេ ងៗផងដែរ ។ ឯកឧត្តមបានបន្តទៀតថា ម្យ៉ាងវិញទៀត ត្រូវសម្អាតអនាម័យទីសាធារណៈ តាមដងផ្លូវ សម្អាតទីធ្លាសាលារៀន និងដាំកូនឈើ កែលំអរបរិស្ថានសាលារៀន បង្កើតក្លឹបសិ ក្សានៅ តាមសាលារៀន ចូលរួមប្រឹក្សាកុមារ និងយុវជន ។
ឯកឧត្តមបញ្ជាក់ទៀតថា ទាំងអស់នេះ ពិតជាសកម្មភាពប្រកបដោយទឹកចិត្តសប្បុរសធម៌ ការជួយគ្នាទៅវិញទៅមក ដោយមិនប្រកាន់និន្នាការនយោបាយអ្វីទាំងអស់ គឺអប់រំគ្នាទៅវិញទៅមក ក្នុងការរួមចំណែកកសាង និងការពារ មាតុភូមិកម្ពុជា ពិសេសខេត្តប៉ៃលិន ឱ្យមានការរីកចម្រើនថ្មីៗថែមទៀត ។ ហេតុផលទាំងនេះហើយ ទើបយើងត្រូវការចាំបាច់បន្ថែមទៀតនូវសមាជិកកាយរឹទ្ធជំនាន់ថ្មីរបស់យើង ដើម្បីធានាការពង្រឹងតួនាទីរបស់ខ្លួន នៅក្នុងសង្គមឱ្យបានខ្លាំងក្លាថែមទៀត ប្រយោជន៍ក្នុង ការណែនាំពួកគេ ឱ្យប្រព្រឹត្តនូវអំពើល្អ ដោយបំផុសឱ្យបានគ្រប់ជ្រុងជ្រោយនូវសកម្មភាពដែ លជាតួនាទីដ៏សំខាន់របស់កាយរឹទ្ធជាតិកម្ពុជាយើង ៕
ដោយ ៖ អ៊ុក ទូច
