មណ្ឌលគិរី ៖ ករណីប្រើអំពើហិង្សាមួយបានកើតឡើង រវាងប្តីប្រពន្ធឈ្លោះប្រកែកគ្នា បង្ករវាយតបដល់ប្រពន្ធឲ្យរងរបួសត្រង់ច្រមុះ ហេតុការណ៍នេះកើតឡើង នៅវេលាម៉ោង១១នឹង០០នាទីយប់ថ្ងៃទី២៤ ខែមិនា ឆ្នាំ២០១៦នេះ នៅក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
បើតាមចម្លើយស្ត្រីជាប្រពន្ធបានឆ្លើយប្រាប់នគបាលប៉ុស្តិ៍រដ្ឋបាលឃុំស្រែខ្ទុមថា គាត់ទាំងពីរអ្នកប្តីប្រពន្ធ បានគ្នាអស់រយៈពេល១ឆ្នាំ ហើយព្រមទាំងនាំគ្នាមករកស៊ីឈ្នួលដកដំឡូងនឹងដាំដំឡូងនៅក្នុងស្រុកកែវសីមា ។ បច្ចុប្បន្នស្នាក់នៅបណ្តោះអាសន្ធភូមិអូរអាមឃំុ ស្រែខ្ទុម ស្រុកកែវសីមាខេត្តមណ្ឌលគិរី ។ ចំណែកបុរសជាប្តីដែលប្រើអំពើហិង្សាទៅលើប្រពន្ធមានឈ្មោះគង់ សំអឿនអាយុ៥០ឆ្នាំមានទីលំនៅភូមិរកាជូ ឃុំ បន្ទាយ ចក្រី ស្រុក ព្រះស្តេច ខេត្តព្រៃវែង រីឯប្រពន្ធឈ្មោះ ខន សារ៉ាត់ អាយុ៤៤ឆ្នាំមានទីលំនៅភូមិត្រពាំងថ្នល់ ឃំុកន្ត្រាំង ស្រុកសូនីគម ខេត្តសៀមរៀប។
បើតាមការឲ្យដឹងពីសមត្ថកិច្ចនៅទីនោះប្រាប់ឲ្យដឹងថា ប្តីប្រពន្ធទាំងពីនេះមានរឿងជម្លោះបែបនេះចំនួន ៧ ដងមកហើយ។ បន្ទាប់មកសមត្ថកិច្ចបានធ្វើការណែនាំ និងឲ្យធ្វើកិច្ចសន្យាដល់បុរសជាប្តី ឲ្យឈប់ប្រើអំពើហិង្សាទៅលើប្រពន្ធតទៅទៀត៕
ដោយ ៖ គឹម ចំរើន
