កំពង់ស្ពឺ ៖ សម្តេចក្រឡាហោម ស ខេង នាយករដ្ឋមន្ត្រីស្តីទី នៃព្រះរាជាណាចក្រកម្ពុជា ឯកឧត្តម ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានអញ្ញើញចូលរួមជាអធិបតីភាព ក្នុងពិធីតែងតាំង ប្រកាសផ្ទេរភារៈកិច្ចអភិបាលខេត្តកំពង់ស្ពឺ កាលពីរសៀលថ្ងៃទី ២២ ខែមិនា ឆ្នាំ២០១៦ ព្រមទាំងមានការអញ្ជើញចូលរួម យ៉ាងច្រើនកុះករពី ប្រធានក្រុមប្រឹក្សាខេត្ត លោកជំទាវ លោកឧកញ៉ា អស់លោក លោកស្រី ថ្នាក់ដឹកនាំមន្ទីរ អង្គភាពកងកម្លាំងប្រដាប់អាវុធគ្រប់ប្រភេទ ថ្នាក់ដឹកនាំ ក្រុង ស្រុក ឃុំ សង្កាត់ ប៉ុស្តិ៍នគរបាលរដ្ឋបាលឃុំសង្កាត់ លោក លោកស្រី តំណាងអង្គការក្រៅរដ្ឋាភិបាល ជាតិ អន្តរជាតិ ព្រមទាំងដៃគូរអភិវឌ្ឍន៍ទាំងអស់ ។
លោក វ៉ី សំណាង ត្រូវទទួលតួនាទីជាអភិបាលខេត្តកំពង់ស្ពឺ ជំនួសលោក អ៊ូ សំអូន ដែលត្រូវផ្លាស់ប្តូរតែងតាំងទៅកាន់ បម្រើនៅក្រសួងមហាផ្ទៃ ។ ដោយឡែក លោក ព្រុំ វណ្ណៈ ត្រូវបានតែងតាំងជាអភិបាលរងបន្ថែមទៀត ។
លោក វ៉ី សំណាង ត្រូវទទួលតួនាទីជាអភិបាលខេត្តកំពង់ស្ពឺបានលើកឡើងនិងប្តេជ្ញាចិត្ត ថា លោក ខិតខំអនុវត្តឲ្យបានម៉ឺងម៉ាត់នូវរដ្ឋធម្មនុញ្ញ គោលការណ៍ច្បាប់ លិខិតបទដ្ឋានគត្តិយុត្តិជាធរមាន និងគោលការណ៍ណែនាំនានារបស់រាជរដ្ឋាភិបាល ដែលបានដាក់ចុះឲ្យមានប្រសិទ្ធភាពខ្ពស់។ ប្តេជ្ញាគោរពគាំទ្រ និង អនុវត្តឲ្យបានខ្ជាប់ខ្ជួននូវកម្មវិធី គោលនយោបាយ និងយុទ្ធសាស្ត្រចតុកោណដំណាកាលទី៣ របស់រាជរដ្ឋាភិបាល ក្រោមការដឹកនាំ ប្រកបដោយគតិបណ្ឌិតរបស់ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា ។ ខិតខំគោរព និងអនុវត្តតាមគោល ការណ៏ដឹកនាំចង្អុលបង្ហាញ និងទទួលយករាល់ការផ្តល់នូវអនុសាសន៍ដ៏ខ្ពង់ខ្ពស់របស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង-មហាផ្ទៃ ក៏ដូចជាថ្នាក់ដឹកនាំក្រសួងឲ្យ
បានល្អ ដើម្បីពង្រឹងការគ្រប់គ្រង ដឹកនាំប្រកបដោយប្រសិទ្ធភាព តម្លាភាព ក្នុងការបំពេញភារកិច្ចនៅរដ្ឋបាលថ្នាក់ក្រោមជាតិ ។ខិតខំអនុវត្តតួនាទី ភារកិច្ចជាតំណាងឲ្យរាជរដ្ឋាភិបាល និងក្រសួង ស្ថាប័នក្នុងការសម្រប សម្រួល ជំរុញ និងតំរង់ទិសដល់មន្ទីរ អង្គភាពក្រោមឱវាទ ដែលកំពុងបំពេញតួនាទីក្នុងខេត្ត។
សម្តេចក្រឡាហោម ស ខេង នាយករដ្ឋមន្ត្រីស្តីទី នៃព្រះរាជាណាចក្រកម្ពុជាបានមានប្រសាសន៌ក្នុងឱកាសតែងតាំងនោៈថា ការផ្លាស់និងសម្រួលភារៈកិច្ចគឺជាធម្មតាសម្រាប់ក្របខណ្ឌ មន្ត្រីរាជការរបស់រាជរដ្ឋាភិបាល ដូចដែលឯកឧត្តមជាអភិបាលខេត្ត ជារដ្ឋលេខាមួយចំនួន ឯទៀតផងដែរ ។សម្តេចក្រឡាហោមក៏បានលើកពីគុណបំណាច់របស់អភិបាលដែលទោៈបីបាន ផ្លាស់ទៅកាន់មុខងារថ្មី និងផ្តល់អទិភាពទីមួយដល់មន្ត្រីមូលដ្ឋានដោយសម្តេចផ្តោតទៅលើ អភិបាលរងនៅក្នុងខេត្តត្រូវបានតែងតាំងជាអភិបាលខេត្តនេៈតែម្តងដូចជាខេត្តកំពង់ស្ពឺ នេៈ ។ សម្តេចក្រឡាហោម ស ខេង បានសម្តែងនូវក្តីជឿជាក់ថា អភិបាលដែលឡើងបន្តវេនពិតជាអាចដឹកនាំខេត្តនេៈបានតាមការប្តេជ្ញាចិត្តកន្លងមក ៕
