មណ្ឌលគិរី ៖ ប្រជាការពាភូមិម្នាក់ត្រូវមួយប៉ាំងតោព្រោះតែចូលទៅឃាត់យុវជនពីរនាក់ដែលកំពុងតែឈ្លោះប្រកែកគ្នាក្នុងពេលផឹកស៊ីកាលពីថ្ងៃទី២១ មីនា ២០១៦ វេលាម៉ោង៩និង៣០នាទី ស្ថិតនៅក្នុងភូមិឈួល ឃុំស្រែហ៊ុយ ស្រុកកោះញែក ខេត្តមណ្ឌលគិរី។
សេចក្ដីរាយការណ៍ពីអធិការនគរបាលស្រុកកោះញែក លោក កាន់ ពេញ បានឲ្យដឹងថា បុរសដែលរងរបួសធ្ងន់នេះមានឈ្មោះត្រើយ ធា ភេទប្រុស អាយុ៣៤ឆ្នាំ មានមុខរបរជាប្រជាការពារភូមិ ក្នុងភូមិឃុំកើតហេតុខាងលើ។
លោកបានបន្ដទៀតថាមូលហេតុដែលបង្កឲ្យមានករណីនេះកើតឡើង ដោយសារតែមានយុវជន២នាក់កំពុងផឹងស៊ីច្រៀងរាំយ៉ាងសប្បាយក៍កើតមានជាជម្លោះឈ្លោះជាមួយគ្នាឯងដែលមានកាន់កាំបិតនៅនិងដៃផងនោះ។
ប្រជាការពារភូមិដែលមានឈ្មោះ ត្រើយ ធា បានដើរចុះល្បាតតាមភូមិឃើញស្ថានភាពបែបនេះក៍បានចូលទៅឃាត់ ប៉ុន្ដែត្រូវយុវជនដៃដល់កំពុងស្រវឹងស្រាផងនោះខឹងក៍បានទាញយកកាំនបិតប៉ាំងងតោមកកាប់ត្រូវត្រង់ក្បាលរងរបួសយ៉ាងធ្ងន់ធ្ងរ ។
លោកអធិការនគរនគរបាលបានបន្ដឲ្យដឹងទៀតថា យុវជនចិត្តក្ដៅទាំងពីរនោះមានឈ្មោះ ម៉ៅ ប្រសិទ្ធ ភេទបប្រុស អាយុ២៤ឆ្នាំ មានមុខរបរជាកសិករ ទី២មានឈ្មោះម៉ៅ ស័ក្ក ភេទប្រុស អាយុ១៨ឆ្នាំ មានមុខរបរកសិករ ជនដៃដល់ទាំងពីរនេះរស់នៅក្នុងភូមិឃុំកើតហេតុខាងលើ។
បច្ចុប្បន្ន ជនរងគ្រោះកំពុងសម្រាកព្យាបាលក្នុងមន្ទីរពេទ្យបង្អែកស្រុក រីឯជនសង្ស័យទាំង២នាក់ត្រូវបានសមត្ថកិច្ចនាំខ្លួនយកទៅអធិការនគរបាលស្រុកកោះញែកដើម្បីចាត់ទៅតាមនិតីវិធីច្បាប់។
សូមបញ្ជាក់ផងដែរថា ជនបង្ករហេតុទាំង២នាក់នោះក៍ត្រូវប្រជាពលរដ្ឋស្វាគមម្នាក់ដៃម្នាក់ជើងបណ្តាលអោយរងរបួសផងដេរ៕
ដោយ៖គឹម ចំរើន
