(ខេត្តកំពត)៖ នៅព្រឹកថ្ងៃទី១៦ ខែមករា ឆ្នាំ២០២០ លោក ជួន សុភា អភិបាលរងស្រុកកំពង់ត្រាច តំណាងលោក អូន ខន អភិបាលនៃគណៈអភិបាលស្រុក រួមជាមួយមន្ត្រីរាជការ អាជ្ញាធរមូលដ្ឋាន បានអញ្ជើញចូលរួុមជាអធិបតីក្នុង ពិធីសម្ភោធដាក់ឱ្យប្រើប្រាស់ជាផ្លូវការនូវសាលាធម្មសភានិងសាលាពុទ្ធិកៈបឋមសិក្សាមួយខ្នង នៅវត្តអង្គពោធិ៍ព្រែកក្រឹស ស្ថិតនៅភូមិព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពត។
តាមរបាយការណ៍របស់គណៈកម្មការអាចារ្យវត្ត បានបញ្ជាក់ថា សាលាធម្មសភានេះបានចាប់ផ្តើមកសាងក្នុងឆ្នាំ២០០៤ ហើយបានកសាងរួុចរាល់នៅឆ្នាំ២០១០ ដោយចំណាយថវិកាអស់ចំនួុន៤៩៧,០០០,០០០រៀល។ ចំណែកសាលាពុទ្ធិកៈបឋមសិក្សាបាន កសាងឡើងក្មុងឆ្នាំ២០០៧ ហើយបានរួុចរា់់ជាស្ថាពរនៅឆ្នាំ២០១៧ ដោយចំណាយថវិកាអស់ ៤៣១,៥៦០,០០០រៀល។
ក្នុងឱកាសនោះ លោក ជួន សុភា អភិបាលរងស្រុកបានបញ្ជាក់ថា សមិទ្ធិផលទាំងឡាយដែលបានកសាងឡើង ប្រកបដោយភាពរីកចម្រើនគ្រប់វិស័យទាំងពុទ្ធចក្រនិងអាណាចក្រនេះ គឺស្របពេលដែលប្រទេសជាតិយើងទាំងមូលរួុមជាមួុយនឹងប្រជាជនបានរស់នៅដោយសុខសន្តិភាពពេញលេញ ក្រោមមាគា៌ដឹកនាំរបស់ប្រមុខរាជរដ្ឋាភិបាលដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ក្នុងពិធីនេះផងដែរគណៈអធិបតីក៏មានការចែកអំណោយរបស់សប្បុរសជនដែលបានជួុយឧបត្ថម្ភក្នុងការកសាងសមិទ្ធិផលជូនដល់លោកគ្រូ អ្នកគ្រូ សិស្សានុសិស្ស នូវសម្ភារៈសិក្សារៀនសូត្រ មួយចំនួន ដូចជាសៀវភៅ ប៊ីច ខ្មៅដៃ កាបូប និងថវិកាក្នុងម្នាក់ៗចំនួន៥០០០រៀល ជាមួយគ្នានេះ ក៏បានផ្តល់ថវិកាជូនលោកយាយ លោកតា បងប្អូនប្រជាពលរដ្ឋដែលចូលរួមក្នុងកម្មវិធីម្នាក់ៗថវិកា៥០០០រៀលផងដែរ៕ សេង ណារិទ្ធ
