ខេត្តបន្ទាយមានជ័យ ៖ អាវុធហត្ថចំនួន១២០នាក់ មកពីមូលដ្ឋានអាវុធហត្ថក្រុង ស្រុក ស្នាក់ការសន្តិសុខការិយាល័យ និងកងអនុសេនាធំចល័តចូលរួមហ្វឹកហ្វឺនរយ:ពេល១៥ថ្ងៃ ដើម្បីទទួលចំណេះដឹងថ្មីនិងការពារសណ្តាប់ធ្នាប់់សង្គម ការហ្វឹកហ្វឺននេះ មានរយ:ពេល១៥ថ្ងៃ ដោយគិតពីថ្ងៃទី ៣ ខែវិច្ឆិកា ឆ្នាំ២០១៥ ដល់ថ្ងៃទី១៨ ខែវិច្ឆិកា ឆ្នាំ២០១៥ ។
កងរាជអាវុធហត្ថខេត្តបន្ទាយមានជ័យ បានបើកវគ្គហ្វឹកហ្វឺនបំប៉នជំនាញ ការប្រើប្រាស់អាវុធ ក្នុងការរក្សាសណ្ដាប់ធ្នាប់និងលំហាត់របៀបជួរទ័ព – យោងតាមអនុក្រិត្យលេខ៧៧ អបក្រ ចុះថ្ងៃទី២១ ខែធ្នូ ឆ្នាំ ១៩៩៤ ស្ដីពីភារកិច្ច និងរចនាសម្ព័ន្ធទូទៅនៃកងរាជអាវុធហត្ថ ។ -យោងតាមផែនការហ្វឹកហ្វឺនលេខ ៧៥/២០១៤ ផក ចុះថ្ងៃទី១៦ ខែ ធ្នូ ឆ្នាំ២០១៤របស់ឯកឧត្ដម នាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជា មេបញ្ជាការកងរាជអាវុធហត្ថលើផ្ទៃប្រទេស ។ -យោងតាមគោលគំនិតកសាងនិងពង្រឹងកងរាជអាវុធហត្ថ អំពីគុណភាព សមត្ថភាពការយល់ដឹងលើភារកិច្ចជំនាញអោយបានលទ្ធផលល្អប្រសើរគ្រប់ ភារកិច្ច។ – យោងតាមស្មារតីអង្គប្រជុំថ្ងៃទី១២ ខែកញ្ញា ឆ្នាំ២០១៥ របស់ឯកឧត្ដម ឧត្ដមសេនីយ៍ត្រី មេបញ្ជាការកងរាជអាវុធហត្ថខេត្តបន្ទាយមានជ័យ ។ – យោងតាមលទ្ធផលហ្វឹកហ្វឺនបំប៉ន បណ្ដុះបណ្ដាលនាយទាហាន នាយទាហានរង នៃកងរាជអាវុធហត្ថខេត្តបន្ទាយមានជ័យនាឆ្នាំ២០១៤កន្លងមក ។ ទើប ឯកឧត្ដម មេបញ្ជាការកងរាជអាវុធហត្ថខេត្តបន្ទាយមានជ័យដាក់ចេញនូវផែនការ ហ្វឹកហ្វឺន ៖
១/ ដើម្បីលើកកំពស់សមត្ថភាពអោយយល់ដឹងជូនដល់នាយទាហាន នាយទាហានរង នៃកងរាជអាវុធហត្ថក្នុងការអនុវត្តន៍ភារកិច្ចអោយបានលទ្ធផលល្អប្រសើរ ។
២/ ដើម្បីធ្វើអោយកម្លាំងកងរាជអាវុធហត្ថខេត្តបន្ទាយមានជ័យ មានសមត្ថភាពជំនាញពិតប្រាកដ ក្នុងការអនុវត្តន៍ភារកិច្ចការងាររក្សាសណ្ដាប់ធ្នាប់សាធារណ:បាន ល្អប្រសើរ។
៣/ ដើម្បីអោយមានការយល់ដឹងអំពីបេសកកម្មនៃការរក្សាសណ្ដាប់ធ្នាប់និង ពង្រឹងនូវវិន័យបទបញ្ជាអោយបានម៉ឺងម៉ាត់ដើម្បីលើកកំពស់ កងរាជអាវុធហត្ថខេត្តបន្ទាយមានជ័យ ៕
