ខេត្តកណ្តាល ៖ អ៊ុំស្រី ទិត សៀង អាយុ ៤៩ ឆ្នាំ ជាស្ត្រីម៉េម៉ាយ រស់ក្នុងកូនផ្ទះតូចមួយ នៅ ភូមិ ព្រែកស្នាយ ឃុំព្រែកគយ ស្រុកស្អាង ខេត្តកណ្តាល ។ លោកយាយកំពុងរស់នៅ គ្មានយ៉ាង លំបាក វេទនា គ្មានទីពឹង មានតែខ្លួនមួយឯកា ខណៈដែលអ៊ុំស្រីមានសុខភាពខ្សោយ ។
សព្វថ្ងៃ លោកយាយមានជីវភាព ខ្សត់ខ្សោយ ខ្វះខាតគ្រប់បែបយ៉ាង ទាំងការហូបចុក និងទីស្នាក់នៅ ។ ដោយឃើញមានការលំបាកដូច្នេះ បងប្អូនរស់នៅក្នុងភូមិ រៃ គ្នាម្នាក់បន្តិច ៗ ប្រមូលប្រាក់ យកមក ធ្វើអោយគាត់បានរស់នៅ គ្រាន់មានទីជំរក ។ ទោះបីយ៉ាងនេះក្តី អ៊ុំស្រី ទិត ស៊ៀង នៅតែរស់នៅ ទាំង មានសភាពមួយខ្វះខាតគ្រប់បែបយ៉ាង និង មានការលំបាកជាទីបំផុត ។
តាមការបញ្ជាក់ពីមេភូមិព្រែកស្នាយបានឲ្យដឹងថា អ៊ុំស្រី ទិត សៀង ពិតជាមានស្ថានភាពទីទ័លក្រ លំបាកប្រាកដមែន។ លើសពីនេះ នៅក្នុងភូមិព្រែកស្នាយ ក៏មានជនចាស់ជរា ជនក្រីក្រ និងជនពិការ ដោយសង្គ្រាម ពិការពីកំណើត ជាច្រើនទៀត ដែលកំពុងជួបនូវកង្វះខាត ក្នុងជីវភាពរស់នៅ ។
អ៊ុំស្រី ទិត សៀង បានទទូចសុំការឧបត្ថម្ភពីសប្បុរសជននានា ដោយក្តីមេ្តតា ៕
