ខេត្តមណ្ឌលគិរី៖ ដោយយោង តាមការអោយយដឹងពីប្រជាពលរដ្ឋ រស់នៅភូមិ អូ យ៉ែស ឃុំស្រែសង្គម ស្រុកកោះញែក បានខ្សឹបអោយសារព័ត៌មានយើងអោយដឹងថា មានក្រុមហ៊ុន មួយឈ្មោះ យូនីគ្រីន (UNI GREEN ) ហៅ ជញ្ជាំងខៀវដោយក្រុមហ៊ុនមួយនេះ គ្មានច្បាប់អ្វីទាំងអស់ ហើយប្រើរូបភាពលួចធ្វើឈើប្រណឹតយ៉ាងអនាធិបតេយ្យ ខណៈពួកគាត់អះអាងថាមេព្រៃ ស្រុកកោះញែក និងមន្ត្រីដែនការពារ សត្វព្រៃឃុបឃិតគ្នាជាមួយមេឈ្មួញឈ្មោះ លាង ចាន់មុន្នី ដោយកាប់យកឈើដឹកឡើងរថយន្តយីឌុប ជារៀងរាល់ថ្ងៃគ្នានឃើញខាងជំនាញពាក់ព័ន្ធអើពើសោះ ។
គាត់បានបញ្ជាក់ បន្ថែមថា ឈ្មោះ លាង ចាន់មុន្នី ចាំឈរ ប្រមូលទិញយ៉ាងសកម្ម រាល់ថ្ងៃ ដោយគ្មានមន្ត្រីជំនាញ ឬ សមត្ថកិច្ចណាធ្វើអ្វីរំខាន់ដល់ការប្រព្រឹត្តបទល្មើសរបស់ លោក និងក្រុម គូរកន ដោយមានព័ត៍មានពីមន្ត្រី សុំមិនបញ្ចេញឈ្មោះ ថាយកឈ្មោះ ឧញ្ញា ទ្រី ភាព យកមកលាបពណ៌ដើម្បីងាយស្រួលរកស៊ី ។
ប្រពភព័ត៌មានពីប្រជាពលរដ្ឋនៅស្រុកកោះញែកបានបន្តឱ្យដឹងថាៈ ឈ្មោះលាង ចាន់មុន្នីកំពុងធ្វើចរាចរនាំឈើប្រណិតទាំងនេះចេញពីព្រៃដែនការពារក្នុងស្រុកកោះញែកតាមផ្លូវលេខ៧៦ឡើងកាត់តាម ស្រុកលំផាត់ ឆ្លងមកស្រុក បរកែរតាមផ្លូវជាតិលេខ៧៨ ស្រុក អូយ៉ាដាវ ដើម្បីទៅលក់នៅប្រទេសវៀតណាមយ៉ាងសេរីនិង រលូនដោយគ្មានការកោតញរញើតច្បាប់នោះឡើយ។ ភ្នាក់ងារសារព័ត៌មានប្រចាំខេត្តមណ្ឌលគិរី បានទាក់ទង សុំក្តីបំភ្លឺបន្ថែមជុំវិញករណីនេះ តែ ទូរស័ព្ទ ជាច្រើនលើក តែពុំមានអ្នកទទួល។
ដោយឡែក លោកឩកញ៉ា ទ្រីភាព ដែលត្រូវបានឈ្មោះខាងលើយកឈ្មោះ លោកមកលាភពណ៌ ខណៈកន្លងទៅ លោកបានបញ្ឍប់សកម្មភាពប្រព្រឹត្តបទល្មើស ហើយបានប្រាប់ទៅគ្រប់ស្ថាប័ន សមត្ថកិច្ចអោយចាត់ការរាល់ជនណាដែលយកក្រុមហ៊ុនលោកទៅប្រព្រឹត្តលាភពណ៌ ធ្វើជំនួញបទល្មើសព្រៃឈើទៀតផង ។
អ្នកសារព័ត៌មានយើងមិនអាចសុំការពន្យល់ណាមួយបាននោះដែរ ។ ចំណែក លោក ឈួន សេរីវឌ្ឍន៌ នាយផ្នែករដ្ឋបាលព្រៃឈើ ស្រុកកោះញែក ក៌មិនអាចសុំការពន្យល់បាននោះដែរខណៈខលចូលជាច្រើន តែលោកមិនទទួល ។ រីឯនាយកដែនជំរកការពារសត្វព្រៃស្រុកកោះញែកបានបិទទួរសព្ទ័ទើបមិនអាចសុំការពន្យល់ជុំវិញការលើកឡើងរបស់ពលរដ្ឋដូចខាងលើបាននោះទេ ៕
ដោយ ៖ កំសត់
