ខេត្តមណ្ឌលគិរី ៖ ជនជាតិបរទេសម្នាក់ រួមនិងស្ត្រីជនជាតិខ្មែរ៣នាក់ ជាមួយនិងគ្រឿងញឿនមួយចំនួនត្រូវបង្ក្រាបនិងចាប់ខ្លួនជាបន្តបន្តាប់ក្នុងប្រតិបត្តការរយៈពេល២ថ្ងៃ ដែលធ្វើឡើង ដោយការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តមណ្ឌលគិរី។
លោក ឡេវ ប៉ុន នាយរងការិយាល័យគ្រឿងញៀណនៃស្នងការដ្ឋាន បានអោយដឹងថា នគរបាលបានធ្វើប្រតិបត្តិការបង្ក្រាបនិងចាប់ខ្លួនជនសង្ស័យបានចំនួន៤នាក់ជាបន្តបន្តាប់ ក្រោយមានសេចក្តីរាយការណ៍ពីកម្លាំងឃ្លាំមើល ហើយសមត្ថកិច្ចបានបំពេញភារកិច្ចនេះ ប្រកបដោយភាពជោគជ័យដោយក្នុងនោះ យើងបានឃាត់ខ្លួនជនសង្ស័យរួមនិងវត្ថុតាងមួយចំនួន ។
នៅថ្ងៃទី២៨តុលា ២០១៥វេលាម៉ោង១៩និង៤៥នាទីកម្លាំងការិយាល័យ សហការជាមួយកម្លាំងសន្តិសុខផ្ទៃក្នុង បានធ្វើការបង្ក្រាបករណីជួញដូរគ្រឿងញៀននៅផ្ទះសំណាក់ភ្នំមាស (បន្ទប់លេខ០៨)ស្ថិតនៅចំនុចភូមិចម្ការតែ សង្កាត់ស្ពានមានជ័យ ក្រុងសែនមនោរម្យ ឃាត់ខ្លួនជនសង្ស័យ ២ នាក់រួមនិងវត្ថុតាង ក្នុងនោះទី០១ឈ្មោះ ជុំ កុម្ភៈ ហៅឡែន ភេទស្រី អាយុ៣១ឆ្នាំ ជនជាតិខ្មែរ មានទីលំនៅ ក្រុងភ្នំពេញ ។ និងទី ២ ឈ្មោះ ថាច ស្រីម៉ៅ ភេទស្រី អាយុ២២ឆ្នាំ ជាបុគ្គលិកផ្ទះសំណាក់ផ្ទាល់ មានទីលំនៅខេត្តកណ្តាល ។ វត្ថុតាង រួមមាន សារធាតុញៀនមេតំហ្វេតាមីន(ICE)១៣កញ្ចប់ ទម្ងន់៨.០៥ក្រាម រួមទាំងទូរស័ព្ទ និងប្រាក់មួយចំនួន។
នៅថ្ងៃទី២៩តុលា២០១៥ វេលាម៉ោង០៩និង៥០នាទី សមត្ថកិច្ចបានបន្តឆែកឆេរផ្ទះជួលមួយកន្លែងកម្មសិទ្ធិរបស់ឈ្មោះ ប៉ូច ណារិន ស្ថិតនៅសង្កាត់ស្ពានមានជ័យដដែល ឃាត់ខ្លួនជនសង្ស័យម្នាក់ឈ្មោះ យឹម ស្រីម៉ៅ ភេទ ស្រីអាយុ៥៦ឆ្នាំ ជនជាតិខ្មែរ រកឃើញគ្រឿងញៀន(ICE)១៥កញ្ចប់ទម្ងន់២.០៤ក្រាម ។ លោកនាយរងបន្តថា នៅថ្ងៃដដែល នគរបាលបានបន្តឆេកឆេរផ្ទះជួលមួយកន្លែងទៀតស្ថិតនៅសង្កាត់ស្ពានមានជ័យដដែល ក្រោមការសម្របសម្រួលនិតិវិធី ពីព្រះរាជអាជ្ញារងអមសាលាដំបូងខេត្ត លោកសាន សុភះ ។
ករណីដោយឡែក កាលពីម៉ោងប្រមាណ ៤- ៣០ នាទីត្រូវថ្ងៃទី២៩ ខែតុលា សមត្ថកិច្ចក៏បានឆែកឆេរ ករណីជនបរទេសម្នាក់ ជាជនជាតិអាឡឺម៉ង់ រកឃើញ នៅដើមកញ្ជារចំនួន ២៤ ដើម និងគ្រាប់កញ្ឆា ក្រៀម ចំនួន២០គ្រាប់ ដែលជនបរទេសឈ្មោះ ទ្រីប ម៉ាឈ័ររៀហាត អាយុ៤០ឆ្នាំ ជាជនជាតិអាឡឺម៉ង់ មុខរបរជាជាងជួសជុលម៉ូតូធំ ដាំ ព្រមទាំងមានលាក់ទុកគ្រាប់កញ្ជារក្រៀមថែមទៀត ។
បច្ចុប្បន្នជនសង្ស័យទាំង ៤ នាក់ត្រូវបញ្ជួនទៅពន្ធនាគារ ខេត្តរង់ចាំបញ្ជួនទៅសាលាដំបូងចាត់ការតាមនិតិវិធី ។
សេចក្តីរាយការណ៍ពាក់ព័ន្ធនិងបទល្មើសគ្រឿងញៀននេះបានអោយដឹងថា តាមបណ្តាក្រុងនិងស្រុកមួយចំនួនក្នុងខេត្តមណ្ឌលគិរី អ្នកសែប និងការចែកចាយគ្រឿងញៀ នបានក្លាយជាក្តីកង្វល់របស់ប្រជាពលរដ្ឋយ៉ាងខ្លាំង ព្រោះជនទាំងនោះតែងតែបង្កភាពអនាធិបតេយ្យ អំពើចោរកម្ម និងការរំលោភសែបសន្ថវៈជាដើម ។
សូមបញ្ជាក់ថា ទោសទណ្ឌនៃគ្រឿងញៀននេះ យោងតាមច្បាប់ប្រទេសកម្ពុជា ជនណាដែលលាក់ទុក ឬជួញដូរគ្រឿងញៀន ចាប់ពី80ក្រាមឡើងទៅ និងត្រូវប្រឈមជាប់ពន្ធនាគារអស់មួយជិវិត ៕
