ខេត្តពោធិ៍សាត់: ឯកឧត្តម ខូយ រីដា អភិបាលខេត្តពោធិ៍សាត់ នៅព្រឹកថ្ងៃទី២៤ ខែមេសា ឆ្នាំ២០២៦នេះ បានចុះពិនិត្យបរិស្ថាន អនាម័យ និងសំណេះសំណាលជាមួយលោកគ្រូ អ្នកគ្រូ សិស្សានុសិស្សវិទ្យាល័យកោះស្វាយ ឃុំផ្ទះរុង ស្រុកតាលោសែនជ័យ ខេត្តពោធិ៍សាត់។
ក្នុងឱកាសនោះដែរ ឯកឧត្តម បានកោតសរសើរនូវការចូលរួមថែរក្សាបរិស្ថាន អនាម័យសាលាបានល្អ និងកំពុងកែប្រែសោភ័ណភាពជាបណ្តើរៗ។
សកម្មភាពនេះឆ្លុះបញ្ចាំងពីការប្តេជ្ញាចិត្តរបស់ ឯកឧត្តម អភិបាល ក្នុងការលើកកម្ពស់គុណភាពអប់រំ និងរៀបចំបរិស្ថានសិក្សាឱ្យបានស្អាតល្អនៅទូទាំងខេត្ត។ ឯកឧត្តម តែងតែជំរុញឱ្យគណៈគ្រប់គ្រងសាលា និងបុគ្គលិកអប់រំទាំងអស់ ពង្រឹងការងារនេះ ដើម្បីបង្កើតបរិយាកាសសិក្សាប្រកបដោយផាសុកភាព ដែលជួយជំរុញឱ្យសិស្សចង់រៀន និងអាចបណ្តុះបណ្តាលចំណេះដឹងកាន់តែប្រសើរឡើង៕
