(បន្ទាយមានជ័យ ៖ នៅព្រឹកថ្ងៃសុក្រ ១រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១១ ខែកក្កដា ឆ្នាំ២០២៥ លោកឧត្តមសេនីយ៍ត្រី វង្ស វិត ស្នងការរងផែនការងារធនធានមនុស្ស តំណាងឱ្យលោកឧត្តមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាននគរបាលខេត្តបន្ទាយមានជ័យ ទទួលអំណោយពី អជីវករក្រុងប៉ោយប៉ែត រួមមាន: លោកស្រី ធីសុខ ងីម លោកស្រី ម៉ាលីន និងលោកស្រី ហ្វីយ៉ាន់ នូវគ្រឿងឧបភោគបរិភោគ រួមមាន អង្ករចំនួន ៣៧៥០គីឡូ (៧៥ការ៉ុង) ទឹកបរិសុទ្ធចំនួន ៩០យួរ ទឹកវីតាល់ចំនួន៦០កេស កូកាគូឡា ចំនួន៣កេស និងមីជាតិចំនួន ១១កេសតូច ។
លោកឧត្តមសេនីយ៍ត្រី វង្ស វិត បានថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏សប្បុរសដែល បានចូលរួមធ្វេីការបរិចាកនិងឧបត្ថម្ភ ដល់កងកម្លាំងនគរបាលនាឱកាសនេះ សូមលោកស្រី ធីសុខ ងីម លោកស្រី ម៉ាលីន និងលោកស្រី ហ្វីយ៉ាន់ និងក្រុមគ្រួសារ រួមសហការី សូមទទួលបានសុខភាពល្អបរិបូរណ៍ និងទទួលបានជោគជ័យក្នុងកិច្ចដំណេីរការទាំងការងារ និងអាជីវកម្មផ្សេងៗ និងជួបតែសេចក្ដីសុខ គ្រប់ប្រការ សុខភាពមាំមួន និងជួបប្រទ:តែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕
