បន្ទាយមានជ័យ៖ នៅព្រឹកថ្ងៃទី ០៦ ខែ កក្តដាឆ្នាំ២០២៥ នេះ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ លោក លី សុវណ្ណារិទ្ធ អភិបាលរង ខេត្តបន្ទាយមានជ័យបានអមដំណើរ ឯកឧត្តម នាយឧត្តមសេនីយ៍ សេរី កុលស តំណាងរាស្ត្រខេត្តបន្ទាយមានជ័យ បានអញ្ជើញចុះជួប សំណេះសំណាល សួរសុខទុក្ខ និងនាំយកអំណោយ ជាគ្រឿងឧបភោគ បរិភោគទៅចែកជូនដល់ កម្លាំងនគរបាល វរសេនាតូចនគរបាលការពារព្រំដែនគោកចំនួន៤ ដែលកំពុងឈរជើងជួរមុខ ។
ទន្ទឹមគ្នានេះ ឯកឧត្តម នាយឧត្តមសេនីយ៍ សេរី កុសល ក៏បានដឹកនាំក្រុមការងារចុះសួរសុខទុក្ខ និងនាំយកអំណោយជា គ្រឿងឧបភោគ បរិភោគ សម្ភារះប្រើប្រាស់ ថវិការមួយចំនួនទៅចែកជូនដល់កងកម្លាំងបញ្ជការវរ សេនាតូចនគរបាលការពារព្រំដែនគោកចំនួន៤ រួមមាន វរ៨០៧,៨១៥,៨៩១,៩១១ នៅទីបញ្ជាការ វរសេនាតូចនគរបាលការពារព្រំដែនគោកលេខ៨៩១ នៅទីបញ្ជាការដ្ឋានការពារវរសេនាតូចលេខ ៨០៧ ស្រុកថ្មពួក ។
ក្នុងមួយអង្គភាពទទួលបានអំណោយរួមមាន៖ អង្ករ១តោន ទឹកសុទ្ធ១៥កេស ទឹកត្រី១៥យួរ ទឺកស៊ីអ៊ីវ១៥យួរ មីជាតិ១៥កេសតូច ប៊ីចេង១០គីឡូ ខ្ទឹមសរ១០គីឡូ ស្ករស១០គីឡូ ល្ពៅ ១តោនកន្លះ ពងមាន់ ៣ជុង អំបិល ចំនួន ១០គីឡូ ៕
