សូមគោរពរាយការណ៍ជូន ឯកឧត្តម អភិបាលនៃគណៈអភិបាលខេត្ត៖ ថ្ងៃ ចន្ទ ៥កើត ខែ អាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី ៣០ ខែ មិថុនា ឆ្នាំ២០២៥

សកម្មភាពការងាររបស់ខណ្ឌរដ្ឋបាលជលផលកំពង់ឆ្នាំងរួមមាន៖
+ សហការជាមួយអធិការដ្ឋានរដ្ឋបាលជលផលខាងត្បូងបឹងទន្លេសាប និងកងកម្លាំងយោធាបង្ក្រាបបទល្មើសបឹងទន្លេសាប មធ្យោបាយកាណូត ៥ គ្រឿង កម្លាំងសរុប ២០ នាក់ ចុះប្រតិបត្តិការប្រទះឃេីញការដឹកជញ្ជូនផលផលិតផលជលផល (លៀស) គ្មានលិខិតអនុញ្ញាត នៅចំណុចចុងប្រឡាយតាពេជ្រ ភូមិ ឆ្នុកទ្រូ ឃុំ ឆ្នុកទ្រូ ស្រុក បរិបូណ៌ ខេត្ត កំពង់ឆ្នាំង។ បន្ទាប់មកក្រុមការងារបានឯកភាពគ្នាឃាត់ចាប់ និងកសាងសំណុំរឿងតាមនីតិវិធីច្បាប់ស្តីពីជលផល ទទួលបានលទ្ធផលដូចខាងក្រោម៖
-ទូកបាឡាស្មាច់ទំហំ (១០.២៥មx១.៨មx០.៥ម) ភ្ជាប់ម៉ាស៊ីនឆ្លាម ៤ម៉ាស៊ីន ចំនួន ០១គ្រឿង
-ទូកបាឡាស្មាច់ទំហំ (១០.២៥មx១.៨មx០.៥ម) ភ្ជាប់ម៉ាស៊ីនសាំយ៉ុង ៤ម៉ាស៊ីន ចំនួន ០១គ្រឿង
-ទូកបាឡាស្មាច់ទំហំ (៨.៥មx១.៥មx០.៥ម) ភ្ជាប់ម៉ាស៊ីនចិន ២ម៉ាស៊ីន ចំនួន ០១គ្រឿង
-ទូកបាឡាស្មាច់ទំហំ (១០មx១.៥មx០.៥ម) ភ្ជាប់ម៉ាស៊ីនសាំយ៉ុង ៥ម៉ាស៊ីន ចំនួន ០១គ្រឿង
-លៀសចំនួន ១៥៩ការ៉ុង ស្មើនឹង ៧១៥៥ គីឡូក្រាម ត្រូវបានចាក់លែងចូលដែននេសាទវិញ
សូម ឯកឧត្តមមេត្តា ជ្រាបជារបាយការណ៍។