(ខេត្តកំពត)៖ មន្ត្រីជំនាញនគរបាលខេត្តកំពតសហការជាមួយកម្លាំងនគរបាលស្រុកអង្គរជ័យកាលពីរសៀលថ្ងៃទី២១ខែមករាឆ្នាំ២០១៩បានឃាត់ខ្លួនជនសង្ស័យចំនួន៧នាក់បន្ទាប់ពីរកឃើញគ្រឿងញៀនជាច្រើនកញ្ចប់។
មន្ត្រីនគរបាលបានប្រាប់ឱ្យដឹងថាជនសង្ស័យដែលត្រូវឃាត់ខ្លួន ១.ឈ្មោះទន់ សុភក្ត្រ ភេទប្រុស អាយុ ២៩ឆ្នាំ ២.ឈ្មោះផូ សំផៅ ភេទប្រុស អាយុ ១៨ ឆ្នាំ ៣.ឈ្មោះឡុង តារា ភេទប្រុស អាយុ ១៧ឆ្នាំ ។៤.ឈ្មោះគី តារា ភេទប្រុស អាយុ ១៧ឆ្នាំ៥.ឈ្មោះហែម ហត្ថា ភេទប្រុស អាយុ ២៨ឆ្នាំ៦.ឈ្មោះសឹង ជ្រាន់ភេទប្រុសអាយុ២៥ឆ្នាំ,៧.ឈ្មោះមាសវណ្ណភេទប្រុសអាយុ៣៥ឆ្នាំ។ទាំងពីរនាក់រស់នៅភូមិអូរក្រសារ សង្កាត់អូរក្រសារ ក្រុងកែប ខេត្តកែប ។
មន្ត្រីនគរបាលដដែលបានបន្តថាក្រោយទទួលព័ត៌់មានពីប្រភពសម្ងាត់ នៅវេលាម៉ោង៣ និង៣០នាទីរសៀលថ្ងៃទី២១ខែមករា ឆ្នាំ២០១៩ មន្ត្រីជំនាញខេត្តសហការជាមួយកម្លាំងនគរបាលស្រុកអង្គរជ័យបានចុះដល់លំនៅស្ថានមួយកន្លែងស្ថិតក្នុងភូមិស្មោង ឃុំសំឡាញ ស្រុកអង្គរជ័យ រួចឆែកឆេររកឃើញគ្រឿងញៀនចំនួន២កញ្ចប់ធំ និង៤កញ្ចប់តូចដែលគេលាក់ទុក។តាមរយៈវត្ថុតាងនេះសមត្ថកិច្ចក៏សម្រេចឃាត់ខ្លួនជនសង្ស័យទាំង៧នាក់តែម្តង។
បច្ចុប្បន្ន ជនសង្ស័យរួមជាមួយវត្ថុតាង ត្រូវបានកម្លាំជំនាញកសាងសំណុំរឿងចាត់ការតាមនីតិវិធី៕
សេង ណារិទ្ធ
