(ភ្នំពេញ) ៖ ថ្ងៃអង្គារ ១៥កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨ វេលាម៉ោង១:០០នាទី នៅចំណុចទីរួមផ្សារកណ្តាល ផ្លូវលេខ១៣ សង្កាត់ផ្សារកណ្តាលទី១ ខណ្ឌដូនពេញ មានករណីអគ្គីភ័យឆាបឆេះតូបនៅទីរួមផ្សារកណ្តាល បណ្តាលមកពី ឆ្លងចរន្តអគ្គីសនី។
ភ្លាមៗបន្ទាប់ពីមានអគ្គីភ័យគេឃើញលោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចុះដល់កន្លែងកើតហេតុនិងបានដឹកនាំ កម្លាំងគណៈបញ្ជាការឯកភាពរដ្ឋបាលខណ្ឌដោយផ្ទាល់ សហការជាមួយក្រុមអន្តរាគមន៍ឡានពន្លត់អគ្គីភ័យ ជួយពន្លត់បានភ្លាមៗទាន់ពេលវេលា ដោយបាញ់ទឹកឲ្យរលត់ទៅវិញ នៅវេលាម៉ោង ១,៣០នាទីនាថ្ងៃដដែល។
នៅក្នុងហេតុការណ៍អគ្គីភ័យនេះដែរ ពុំបណ្តាលឲ្យមានមនុស្សស្លាប់ ឬរងរបួសនោះទេ?ប៉ុន្តែបានបណ្តាលឲ្យឆេះតូបផ្នែកខាងក្រៅផ្សារចំនួន០៤តូប (ធំ២តូច២) បានប្រេីប្រាស់ម៉ូតូទឹករបស់រដ្ឋបាលខណ្ឌដូនពេញ អស់ចំនួន៦ធុងស្មើនឹង២គ្រឿង និងរថយន្តពន្លត់អគ្គីភ័យចំនួន០៦គ្រឿង៕
