ខេត្តរតនគិរី ៖ អគ្គីភ័យបានឆាប់ឆេះផ្ទះលក់ចាណាងមួយខ្នង រងរបួសម្ចាស់ផ្ទះ ហេតុការណ៍នេះបានកើតឡើងនៅថ្ងៃទី២៣ ខែមិថុនា ឆ្នាំ២០១៥ វេលាម៉ោង៣និង៤០នាទី រសៀល ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង។ ទាក់ទិននឹងករណីខាងលើត្រូវបានស្ត្រីជាម្ចាស់ផ្ទះមានឈ្មោះ ផាន់ ខាំមុត អាយុ៥៤ឆ្នាំ ជនជាតិខ្មែរកាត់ឡាវ បានអោយដឹងថា គាត់មានប្តីឈ្មោះថន ថុន អាយុ៥៩ឆ្នាំ មុខរបរមន្ត្រីយោធា ប្រតិបត្តិការសឹករងខេត្តរតនគិរី ។
ប្តីរបស់គាត់បានរងរបួសជើងដៃ(របួសធ្ងន់) ហើយផ្ទះគាត់មានមុខរបរលក់ចាណាងជាង៣០ឆ្នាំហើយ លោកស្រីបានបញ្ជាក់ទៀតថា នៅមុនពេលកើតហេតុប្តីគាត់បានដេកនៅក្នុងបន្ទប់ខាងលើម្នាក់ ឯង ស្ត្រីជាប្រពន្ធជាប់លក់នៅខាងក្រោម កំពុងមានភ្ញៀវយ៉ាងច្រើន គាត់បានបញ្ជាក់ថានៅមុនពេលកើតហេតុនោះគាត់បានឃើញភ្លើងឆេះចេញពី បន្ទប់មួយទៀតនៅជាន់ខាងលើទើបមានការឆោឡោឡើង ហើយក្នុងខណៈកើតហេតុនោះដែរ គាត់អត់បានអីនោះទាន់នោះទេ យកបានតែកាបូលុយនៅជាប់ខ្លួនលុយប្រហែលជា៣០-៤០ម៉ឺនរៀល ហើយគាត់បានទៅស្ទុះទៅហើយប្តីគាត់ហើយអត់ឡើង ទើបចាប់អូសចេញពីបន្ទប់បានរំដោះផុតពីសេចក្តីស្លាប់ ហើយផ្ទះដែលភ្លើងឆេះនោះមានប្រវែងទទឹង៨ បណ្តោយ៩ម៉ែត្រ ធ្វើអំពីឈើប្រក់ស័ង្កសី ជញ្ជាំងបាំងក្តា ។
ហើយសំភារៈដែលខូចខាតម្ចាស់ផ្ទះមិនទាន់ប្រាប់ចំនួនពិតប្រាកដ គ្រាន់តែប្រាប់អ្នកសារពត៌មានថា លុយកាក់ និងមាស អស់ជាង១ម៉ឺនដុល្លា ហើយគាត់ខំសន្សំ២០-៣០ឆ្នាំហើយទំរាំបានផ្ទះប៉ុណ្ណោះនៅ ក្នុងហេតុការណ៍នោះដែរគេឃើញមានរថយន្តបាញ់ទឹករបស់ស្នងការចំនួន២ គ្រឿងបានរយកចិត្តទុកដាក់និងជួយសង្គ្រោះបាញ់ទឹកពន្លត់បានរួចរាល់ នៅម៉ោង៤និង៥០នាទីល្ងាចថ្ងៃដដែលក៏ប៉ុន្តែក្រោយពីភ្លើងរលត់គេ ឃើញផ្ទះមួយខ្នងនេះបានខូចខាត់៩០% ក្នុងករណីគ្រោះអគ្គីភ័យនេះសារពត៌មានកោះសន្តិភាពមិនទាន់បានបានទទួល ពត៌មានលំអិតពីអាជ្ញាធរដែនដី និងសមត្ថកិច្ចមូលដ្ឋានតើខូចខាតអស់ប៉ុន្មាននោះទេ ថ្មីៗនេះ។ បច្ចុប្បន្នបុរសជាប្តីដែលរងរបួសកំពុងសំរាកព្យាបាលនៅ មន្ទីរពេទបង្អែកខេត្តរតនគិរី៕
