ក្រចេះ ៖ ព្រះវិហារដ៌ថ្មីស្រឡាងរួមទាំង សម្ធិផលមួយចំនួនទៀត ដែលទើបនឹងបញ្ជប់ការសាងសងនាពេលថ្មីៗកន្លងមកនេះ នៅព្រឹកថ្ងៃទី១៨ មិថុនា ២០១៥ នេះត្រូវដាក់សម្ភោធអោយប្រើប្រាស់ជាផ្លូវការ ក្រោមអធិបតីភាព ឯ.ឧ ទេសរដ្ឋមន្ត្រី អឹម ឈុនលឹម រដ្ឋមន្ត្រីក្រសួងរៀបចំដែនដីនគរូបណីយកម្ម និងសំណង់ និងជាប្រធានក្រុមការងារថ្នាក់កណ្តាលចុះជួយខេត្តក្រចេះនិងមណ្ឌលគិរី ព្រមទាំង ឯ.ឧ លោកជំទាវ ប្រជាពលរដ្ឋក្នុងខេត្តក្រចេះ។
លោក យិន វណ្ណាះ អភិបាលក្រុងក្រចេះ បានរាយកាណ៌ពីប្រវត្តិព្រះវិហារនិងការចំនាយទឹកប្រាក់សាងសង ដោយបានបញ្ជាក់ថា ព្រះវិហារចាស់ដែលមានសភាពទ្រុឌទ្រោម ហើយមានអាយុកាលជាងសត្សវត្តកន្លងមកនេះ ត្រូវបានវាយចោល ហើយបានសាងសងនូវព្រះវិហារថ្មី ដែលជាផ្តួចផ្តើមពី ព្រះមេគណខេត្ត ជន ស៊ីអ៊ឹម និងអាជ្ញាធរខេត្ត ដែលចាប់សាងសងព្រះវិហារថ្មីនេះ ចាប់ពីថ្ងៃទី០៤ ឧសភា ២០០៩ មកហើយរួចរាល់ជាស្ថាពរ នៅថ្ងៃទី១២មិថុនា ២០១៥នេះ ដោយមានការជ្រុមជ្រែង គាំទ្រ ឧបត្តម្ភ ឯ.ឧ លោកជំទាវ ដែលជាអ្នកតំណាងរាស្រ ចុះជួយខេត្តក្រចេះ និងសប្បរសជន ជិតឆ្ងាយជាច្រើនរូបទៀតដែលមានសុទ្ឋាជ្រះធ្លា ក្នុងការកសាងវិស័យពុទ្ឋចក្រ អោយកានតែមានភាពរីកចំរើន ហើយចំណាយថវិការសរុបអស់ ជាង៣៤ម៉ឺន ដូលាសហរដ្ឋអាមេរិក។
មានប្រសាសន៌សំណោះសំណាលក្នុងពិធីសម្ភោធព្រះវិហារសិរីសន្ឋ ក្រុងក្រចេះ ឯ.ឧ ទេសរដ្ឋមន្ត្រី អឹម ឈុនលឹម រដ្ឋមន្ត្រីក្រសួងរៀបចំដែនដីនគរូបណីយកម្ម និងសំណង់ បានថ្លែងអំណរគុណយ៉ាងជ្រាវជ្រៅដល់សប្បរសជន ជិតឆ្ងាយដែលបានចូលរួម ឧបត្តម្ភ ការជ្រមជ្រែង គាំទ្រ ទាំងថវិកា ទាំងកំលាំងចិត្ត កាយ ដើម្បីចូលរួមចំណែកលើកស្ទួយវិស័យពុទ្ឋចក្រ ខ្មែរអោយកាន់តែមានភាពរីកចំរើន រ៉ុងរឿង តទៅមុខ ។
ឯ.ឧ ទេសរដ្ឋមន្ត្រី អឹម ឈុនលឹម មានប្រសាសន៌បន្តថា ការចូលរួម កសាងសម្ឋិផលក្នុងវត្តអារាមនាពេលនេះ គឺពិតជាបានចូលរួមចំណែកយ៉ាងធំធេង ជាមួយជាមួយរាជរដ្ឋាភិបាលកម្ពុជា ក្នុងការធ្វើអោយវិស័ពុទ្ឋសាសនាខ្មែរយើង រីកចំរើន ក៌ដូចជាការសាងផលបុណ្យសម្រាប់ទៅជាតិក្រោយ របស់អ្នកបានចូលរួមកសាង។
ឯ.ឧ រដ្ឋមន្ត្រីក្រសួងរៀបចំដែនដីនគរូបណីយកម្ម និងសំណង់ បានអោយដឹងថា សម្ឋិផលដែលត្រូវដាក់សម្ភោធអោយប្រើប្រាស់ នាពេលនេះរួមមាន ព្រះវិហារ ដងទង់និងបូជនីយដ្ឋានយាយខៀវ ក្លោងទ្វារ សាលាឆាន របងវត្ត សួនច្បារ កុដិ និងចាក់សាបក្នុងទីធ្លាវត្ត ទំហំ ១០.៣៧០ ម៉ែតក្រឡា ដែលចំណាយ ទឹកប្រាក់អស់ជាង៣៤ មឺុន ដូលា សហរដ្ឋអាមេរិក ហើយនៅខ្វះថ្លៃឈ្នួលជាង នូវទឹកប្រាក់ ១៩.៧៥៧.៣៣ ដូលា ហើយក្នុងពិធីសម្ភោធនោះដែរ ឯ.ឧ ទេសរដ្ឋមន្ត្រី អឹម ឈុនលឹម ព្រមទាំងឯ.ឧ លោកជំទាវ ដែលជាក្រុមការងារចុះជួយខេត្ត បានផ្តល់ថវិការ១៧០០០ដូលា ទៀតដើម្បីជួយបង្កុប់អោយថ្លៃឈ្នួលជាង ។ក្នុងពិធីនោះដែរឯ.ឧ ទេសរដ្ឋមន្ត្រី អឹម ឈុនលឹម បានបំពាក់គ្រឿងឥសរ្សះយស្ស័ ជូនព្រះចៅអធិការមួយចំនួន នៅតាមបណ្តាវត្តក្នុងក្រុងក្រចេះដែលបានបំពេញស្នាដៃល្អក្នុងដឹកក្នុងវិស័យព្រះពុទ្ឋសាសនាបានល្អប្រសើរ ៕
