ខេត្តរតនគិរី ៖ កម្លាំងចំរុះចំនួន១០នាក់ដឹកនាំដោយលោកវរសេនីយ៍ត្រី ហៃ វណ្ណរ៉ា មេបញ្ជាការកងរាជអាវុធហត្ថក្រុងបានលុង ចុះត្រួតពិនិត្យអាវុធជាតិផ្ទុះមួយកន្លែងចំណុចផ្លូវទៅភូមិថ្មី ស្ថិតក្នុងភូមិជ័យជំនៈ សង្កាត់ឡាបានសៀក ក្រុងបានលុង លុះដល់ម៉ោង២១និង៣០នាទីយប់ ថ្ងៃទី១៤ ខែមិថុនា ឆ្នាំ២០១៥ កម្លាមងចំរុះបានត្រួតពិនិត្យឆេកឆេររកឃើញករណីលាក់ទុកនូវសារធាតុញៀន និងបានឃាត់ខ្លួនជនសង្ស័យម្នាក់នៅត្រង់ចំណុចលើផ្លូវជាតិលេខ៧៨ ក្នុងភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី។
លោកវរសេនីយ៍ត្រីហៃ សុវណ្ណរ៉ា មេបញ្ជាការកងរាជអាវុធហត្ថក្រុងបានលុងបានឲ្យដឹងថាជនសង្ស័យម្នាក់នោះមានឈ្មោះ ឡេ វ៉ាងឡុង ភេទប្រុស អាយុ៣៣ឆ្នាំ ជនជាតិវៀតណាម មុខរបរលក់ដូរមានទីលំនៅបណ្តោះអាសន្ននៅភូមិទេសអន្លុង សង្កាត់បឹងកន្សែង ក្រុងបាលុង ហើយបានរឹបអូសនូវត្ថុតាងរួមមាន:១.ម្ស៉ៅក្រាមពណ៌សរថ្លា ( ម៉ាទឹកកក ) ចំនួន ១១០ មីលីក្រាម ។២.រថយន្ត ម៉ាក ចាហ្គរី ពណ៌ ស្លែពាក់ស្លាកលេខ 2 U . 1014 ចំនួន០១ គ្រឿង ។៣. ឧបករណ៏សម្រាប់សេពគ្រឿងញៀន មួយចំនួនទៀត ។
បច្ចុប្បន្នជន សង្ស័យត្រូវបានឃាត់ខ្លួននៅមូលដ្ឋានកងរាជអាវុធហត្ថក្រុងបានលុង កំពុងកសាងសំណុំរឿងបញ្ជូនទៅសាលាដំបូងខេត្តរតនគិរី ដើម្បីចាប់វិធាការទៅតាមនិតិធីច្បាប់៕
ចាន់ឌី
