ខេត្តសៀមរាប ៖ ជារៀងរាល់ថ្ងៃ…យប់ គេសង្កេតឃើញរថយន្តទួរីសមួយគ្រឿង ដឹកឈើយ៉ាងសកម្ម ដោយមិនខ្លាចញញើតនិងសមត្ថកិច្ចជំនាញនៅតាមដងផ្លូវជាតិឡើយ បើតាមសេចក្តីរាយការណ៍ពីអ្នកយកព័ត៌មាន អប្សរា យើងខ្ញុំបានឲ្យដឹងថារថយន្តដឹក ឈើពេញ ក្នុងឡានរបស់មេឈ្មួញឈ្មោះ(យាយ លី …ហៅជើងខ្លាំង)ជាប្រភេទទួរីសបានដឹកចេញពីឃុំស្រយ៉ងស្រុកគូលេនខេត្តព្រះវិហារ និងដឹកឆ្លងកាត់ស្រុកស្វាយលើស្រុកសូត្រនិគមនិងស្រុកប្រាសាទបាគង ផ្លូវជាតិលេខ៦ រួចដឹកបន្តចូលមកដាក់(ដេប៉ូ)លក់នៅទីរួមខេត្តសៀមរាប ដោយយ៉ាងរលូន។
បើតាមប្រភពព័ត៌មានបានឲ្យដឹងថា មេឈ្មួញឈ្មោះ(យាយ លី)ហៅជើងខ្លាំង…ដែលដឹកឈើខាងលើពុំដឹងមានខ្នងបង្អែកធំប៉ុណ្ណាទេ បានជាហ៊ានដឹកឈើ ទាំងយប់ ទាំងថ្ងៃ មិនខ្លាចញញើតនិងសមត្ថកិច្ចជំនាញទាល់តែសោះឬមួយ សមត្ថកិច្ចជំនាញ ប្រហែលជាបានទទួលលាភសក្ការះសើមមាត់ជាប្រចាំថ្ងៃខែខ្លះ ហើយមើលទៅបានជាបណ្តែតបណ្តោយឲ្យដឹកឈើ យ៉ាងរលូនបែបនេះមិនមានការបង្ក្រាបទាល់តែសោះ ។
មតិមួយចំនួនរបស់បងប្អូនប្រជាពលរដ្ឋ ដែលរស់នៅតាមផ្លូវជាតិបានលើកឡើងថា ៖ សមត្ថកិច្ចជំនាញចរាចរណ៍វិញ ដែលនៅតាមផ្លូវជាតិនីមួយៗ រហូតមកដល់ក្រុងខេត្តសៀមរាប ក៍ធ្វើមើលមិនឃើញដែរ បើររថយន្តឈ្នួល រត់តាក់ស៊ី បើកមិនពាក់ខ្សែរក្រវ៉ាត់ ហើយនិងដាក់ឥវ៉ាន់តមកក្រោយឡានសំពីងសំពោងវិញចាប់ផាកពិន័យជាមិនខានឡើយ ។
តែបើរថយន្តដឹកឈើ ក្នុងរថយន្ត ត មកក្រោយយ៉ាងវែង ក៍សមត្ថកិច្ចជំនាញ ចរាចរណ៍ ធ្វើមើលមិនឃើញដែរ (នេះគ្រាន់ជាមតិរបស់ប្រជាពលរដ្ឋ ដែលបានឃើញលើកឡើងជាក់ស្តែងដូចឃើញនៅក្នុងរូបភាពនេះស្រាប់)អញ្ជឹង។
មជ្ឈដ្ឋាននានាបានរិះគន់ថា រថយន្តប្រភេទទួរីស ពណ៌លឿង ១គ្រឿងដឹកឈើ ចេញក្រៅតកន្ទុយឡានមកខាងក្រោយ ហេតុអ្វីសមត្ថកិច្ចជំនាញនៅតាមដង ផ្លូវជាតិ មិនធ្វើការបង្ក្រាប ទាល់តែសោះទុកបណ្តែតបណ្តោយឲ្យដឹក ច្រងេងច្រងាង ដែលគួឲ្យខ្លាច ពីបញ្ហា គ្រោះថ្នាក់ចរាចរណ៍ដោយប្រការណាមួយ ក៍អាចថាបានដែរជាក់ស្តែងដូចឃើញនៅក្នុងរូបភាពនេះស្រាប់។
ជុំវិញករណីខាងលើអ្នកយកព័ត៌មាន(អប្សរា) របស់យើងខ្ញុំ ទំនាក់ទំនងពី លោក(យ៉ាន់ស៊ីវ៉ាត់)ប្រធានរដ្ឋបាល ព្រៃឈើ ប្រចាំស្រុកស្វាយលើ ដែលមាន លេខទូរស័ព្ទ៖ ០៩៧ ២២២ ០០០១ ដោយទូរស័ព្ទតេមិនចូលឡើយ ។
ប្រជាពលរដ្ឋមួយចំនួនបានធ្វើការរិះគន់ទៅលើសមត្ថកិច្ចជំនាញតាមដងផ្លូវជាតិវិញម្តង មាន ដូចជា៖ មេព្រៃ និងមន្ត្រីបរិស្ថាន និងប៉ូលិសសេដ្ឋកិច្ច ក៍ ធ្វើ ជាស្តាប់ មិនឭធ្វើមើលមិនឃើញ(ទំនងប្រហែលជាបានលាភសក្ការះមួយចំនួន(ពីមេឈ្មួញដឹកឈើ ខាងលើ ខ្លះហើយបានជាមិនការទប់ស្កាត់ឲ្យរៀងចាលម្តងណាឡើយ)។ ( ហើយបើយើងក្រឡេកទៅមើល ប៉ូលិសចរាចរណ៍វិញ ក៍មិនដែល ឃើញចាប់រថយន្តខុសបច្ចេកទេស ដែលមានទ្រង់ទ្រាយដឹកឈើ ត កន្ទុយ ដឹកសំពីងសំពោង ចាប់ផាកពិន័យម្តងឡើយ)ដែរ ៕
