កំពង់ធំ ៖ ព្រៃឈើក្នុងប្រទេស កម្ពុជាលាតសន្ធឹងធំធេងស្ទើរពេញផ្ទៃប្រទេសដោយមានឈើមានតម្លៃ រាប់មិនអស់ តែអនិច្ចាណាស់ តំបន់ព្រៃឡង់រាប់ម៉ឺនហិកតាត្រូវបានជនទុច្ចរិតបំផ្លិចបំផ្លាញ គ្មានមេត្តាចំពោះព្រៃឈើដ៏មហាសាលនេះ។ លើសពីនេះទៅទៀត ពេលសារពត៌មាន បណ្តាញអ្នកស៊ីបការពិសេសបានចុះទៅតំបន់ព្រៃឡង់ មើលឃើញពីវិនាសកម្មព្រៃឈើដ៏ធំសម្បើមបែបនេះទើប អង្គភាពសារពត៌មាន សហការជាមួយអង្គការអភិរក្សព្រៃឈើនិងអភិវឌ្ឍន៍ធនធានធម្មជាតិ អង្គការការពារព្រៃឈើ សត្វព្រៃនិងបរិស្ថាន អង្គការការពារបរិស្ថាននិងធនធានធម្មជាតិ ចុះឃ្លាំមើលការកាប់បំផ្លាញព្រៃឈើក្នុងតំបន់ច្រកតោល ច្បស់រាក់ អូថា្លន់ អូតាអុង អូតាលៃ អូឈ្នូរ តំណាក់កកោះ តំបន់ទាំងនេះត្រូវបានក្រុមហ៊ុន ៩៥ ដែលមានដីសម្បទានសង្គមកិច្ចនៅចំណុចព្រះអាទិត្យទេ ចុះហេតុអីបានជាក្រុមហ៊ុនទាំងនេះចុះទៅកាប់ឈើនៅតំបន់ខាងលើទៅ វិញ ហើយតំបន់ខាងលើត្រូវបានមន្ត្រីថា្នក់ស្រុក កំពុងរុករានដីព្រៃធ្វើជាកម្មសិទ្ធិ និងកាប់លក់អោយឈ្មួញ។
ឈ្មោះអ្នកកាប់ព្រៃដីរដ្ឋទាំងនោះមាន អ៊ួង ម៉ាលី អធិការស្រុកសណ្តាន់ ដែលជាមេខ្លោងកាប់ព្រៃរដ្ឋធ្ចើជាដីកម្មសិទ្ធិលក់អោយឈ្មួញបាន រាប់សិបម៉ឺនដុល្លារ ដោយឈ្មោះអ៊ួង ម៉ាលីនេះត្រូវបានប្រជាពលរដ្ឋខ្សឹបប្រាប់សារពត៌មានយើងអោយដឹងថាជា បុគ្គលមានអំណាចក្នុងស្រុកសណ្តាន់ ដោយពុំមានសមត្ថកិច្ចណាហ៊ានឡើយ ព្រោះអ៊ួង ម៉ាលីនេះ អាងខ្នងមហិមានៅពីក្រោយ គេចង់ធ្វើអី្វក៏បាន តែបើប្រជាពលរដ្ឋកាប់ដីបង្កបង្កើនផលបន្តិចបន្តួច ត្រូវបានលោកអធិការចាប់វ៉ៃខ្នោះនិងបញ្ជូនទៅអោយសាលាដាក់គុកទាំង អស់។ ចំពោះខ្លួនកាប់ព្រៃយកដីលក់រាប់រយហិកតាក៏គ្មាននរណាហ៊ានក្អក ដែរ។
រឿងកាប់បំផ្លាញឈើ ជួញឈើ ត្រូវបានគេស្គាល់ឈ្មោះដូចតទៅ ទីមួយឈ្មោះ អ៊ូ សុធា បញ្ជាការសឹករងស្រុកសណ្តាន់ ទីពីរមានឈ្មោះ យាយ រ៉ើម, នៅ ភា នៅភូមិសំរោង ឃុំមានរិទ្ធិ ឈ្មោះឆាយ នៅភូមិសណ្តាន់ស្រុកសណ្តាន់ ជាមេបំផ្លាញឈើនិងជួញឈើប្រចាំស្រុកសណ្តាន់ដែលមានខ្នងពីក្រោយ ការពារ។
សារព័ត៌មាន កម្ពុជាអភិវឌ្ឍន៍ យើងយល់ថា នេះដោយសារមន្ត្រីជំនាញទាំង នោះត្រូវដៃត្រូវជើងជាមួយមេឈ្មួញនេះហើយ ទើបមិនបង្ក្រាប ។
ដូចនេះប្រជាពលរដ្ឋទូទៅក៏ដូចជាអង្គការសង្គមស៊ីវិលទាំងនេះ សំនូមពរអោយ នាយឧត្តមសេនីយ៍ នេត សាវឿន អគ្គស្នងការនគរបាលជាតិមេត្តាធ្វើអធិការកិច្ចលើឈ្មោះ អ៊ួង ម៉ាលី នេះដែលយកតួនាទីរដ្ឋមកបម្រើផលប្រយោជន៍ខ្លួនឯង ធ្វើមានបាន សង់វីឡា ទិញឡានទំនើប ជាពិសេស គឺអង្គភាពប្រឆាំងអំពើពុករលួយ លោក ឱម យិនទៀង ក្រសួងមហាផ្ទៃលោកឧបនាយករដ្ឋមន្ត្រី ស ខេង និង ប្រធានរដ្ឋបាលព្រៃឈើ ឯកឧត្តម ឆេង គឹមស៊ុន មេត្តាចាត់ការលើអធិការរូបនេះផង ព្រោះលោកអធិការអ៊ួង ម៉ាលីកំពុងធ្វើជាឧបសគ្គរារាំងគោលនយោបាយ នាយករដ្ឋមន្រ្តី ហ៊ុន សែន ក្នុងការទប់ស្កាត់បទល្មើសព្រៃឈើ និងអភិវឌ្ឍជាតិទាំងមូលហើយ ៕
